We really enjoyed our unique Turkish-Lebanese experience at sittiegypt if you

We really enjoyed our unique Turkish-Lebanese experience at sittiegypt if you

 

We really enjoyed our unique Turkish-Lebanese experience at sittiegypt if you are a döner Kebab person you must try it there!
بنحب جدا المطبخ المفتوح اللي بيخلينا نقف نتفرج علي الاكل وهو بيتحضر قدامنا ويا سلام لو كان العيش وهو بيتخبز لان ده بالذات له احساس مختلف وريحة تجنن وده اللي حصل معانا فعلا واحنا بنتفرج علي العيش الصاج وهو بيتخبز قدامنا بطريقة بسيطه وجميلة فكرتنا بأجدادنا زمان لما كانوا بيخبزوا بنفسهم وهو ده علي فكرة سر تسمية المكان ب(ستي) اللي هي جدتي يعني
المكان ده عامل تويست حلو أوي بين الاكل التركي واللبناني يعني هتضرب دونر كباب اصلي في عيش صاج طازة مخبوز قدام عينيك ويتاكل حاف من حلاوته الفكرة ان الدونر نفسه معمول بتتبيله خطيرة وطعم مدوقناش زيه قبل كده وبيحطوا عليه صوص سري من اختراعهم حاولنا نعرف منهم مكوناته بالظبط بس رفضوا يقولولنا عليه خالص هم بيقدموا الدونر كمان في البريوش وكان حلو للناس اللي بتحبه بس احنا شخصيا عجبنا طعمه في العيش الصاج اكتر
العيش الصاج بيعملوا منه كمان مناقيش روووووعه جربنا منهم منقوشه الستيك ودي عجبتنا جدا ومنقوشة السجق والجبنه ودي كانت خطيييرة واحلي حاجه ان السجق متحبش وتتبيلته كانت واضحه وجوسي اوي مش ناشف وف نفس الوقت دهونه قليله جدا ودي اكتر حاجه بنحبها في السجق لما بناكله بره البيت وده دليل علي اختيارهم لكل مكونات الاكل بكواليتي عاليه
طبعا عليهم شوية سلطات ومزات لبناني ملهاش حل زي الفتوش والتبوله والبطاطا الحارة وكلها بتتحضر قدامك فريش ومعموله زي ما بيقول كتاب عروس بيروت
المكان في مول qubixhub في الشيخ زايد ويستاهل التجربة جدا بالذات لو ليك في الدونر كباب لأنك هتاكله هناك بطعم ينسيك اي دونر تاني اكلته قبل كده
döner kebab lebanese turkish food foodporn foodie foodgasm foodstagram instafood foodblogger foodblog foodlover mr and mrs foodie

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *