semsomegypt يا جماعه الاكل اللبناني ده هو الدلع كله احساسنا

semsomegypt يا جماعه الاكل اللبناني ده هو الدلع كله احساسنا

 

semsomegypt
يا جماعه الاكل اللبناني ده هو الدلع كله احساسنا لما بنروح اي مطعم لبناني بيبقي عامل زي احساسنا واحنا صغيرين لما كنا بنروح دريم بارك ونلاقيها مليانه العاب في منتهي الجمال ونبقي محتارين نختار اللعبه اللي هنبتدي بيها ومش عاوزين اليوم يخلص علشان نلعب كل حاجه وعمرنا ما زهقنا ابدا والله نفس الحيرة واحنا بنقلب في المنيو ونبقي عاوزين نجرب كل حاجه قدامنا وخصوصا ان المطبخ اللبناني متنوع جدا وفيه اختيارات كتير وكمان الاكل اللبناني فيه ميزة رهيبه غير انه لذيذ طبعا بس كمان خفيف ومش دسم خالص وده بيشجعنا نجرب حاجات كتير ونستمتع بأكلنا من غير قلق وطبعا المتعه بتزيد لما بتبقي التجربه في مطعم لبناني بجد من اللي بيعملوا الأكلات اللبنانيه زي ما بيقول الكتاب زي تجربتنا النهارده لما فطرنا في مطعم سمسم في التجمع الخامس
لو عاوزين تحكموا علي مستوي اي مطعم لبناني دوقوا الحمص عنده لو مظبوط في الطعم والقوام والترميله بتاعته تعرفوا ان الشيف اللي في المطبخ عندهم شيف لبناني اصلي عارف هو بيعمل ايه كويس وبصراحه في سمسم احنا اكلنا الذ حمص مدوقناش في حلاوته قبل كده بالذات الحمص بالفول عجبني جدا لأن الفول كان زي الزبده وبيدوب في البق وطعمه مع الحمص كان خطيركمان طبق الحمص بالفلافل عجب ريهام جدا
منقوشه اللحم بعجين مع دبس الرمان كانت وهميه وعجينه المنقوشه كانت مظبوطه جدا وطبعا مزازة دبس الرمان كانت عامله احلي شغل في الطعم
منقوشة الثلاث اجبان كانت لذيذه لذاذة متتوصفش وميكس الجبن اللي فيه مدوقناش في طعمه قبل كده اما منقوشه الفلافل كانت جميله جدا بالذات لما تغمسوها مع الطحينه اللي بتنزل معاها
الاومليت بالخضار والجبنه كان روعه ونضيف جدا وكمان الكرواسون بالجبنه الحلوم والزيتون المفروم والخضار كان فظيع
ورغم اننا كنا بنفطر بس ده ممنعناش اننا نجرب فتة اللحمه اللبناني الخطيرة بتاعتهم ورغم اننا كنا خايفين يتريقوا علينا علشان هناكل فته ع الصبح بس اكتشفنا ان اللبنانين بياكلوها علي الفطار عادي وبصراحه كانت لذيذة وخفيفه اوي وغرقانه مكسرات وحمص
طبعا الحلو جربنا منقوشه شوكو كراميل وكانت رهيبه وكمان كرواسون بالكنافه والشوكولاته كان حلو اوي بس المنقوشه عجبتنا اكتر
وطبعا براد الشاي الشيك كان لازم بعد الفطار علشان نحبس بيه والقهوة مع الحلو اساسي علشان تكمل المتعه
احنا هنختار واحد من الفولورز بتوعنا علشان يكسب فطار لفردين وينبسط زي ما احنا انبسطنا بالأكل والخدمه الممتازة والقعدة الحلوة لو عاوز تبقي انت الكسبان وتشترك في مسابقتنا ادخل علي اخر reel نزلناه امبارح وهتلاقي الشروط سهله اوي

 

انتقل إلى أعلى