مزرعة مشراف الريم في الرياض

مزرعة مشراف الريم في الرياض

منتجعات مشراف الريم .. اخذت فيلا التلال وكان اختيار موفق ولله الحمد .. عبارة عن منتجعات بتصاميم مختلفة كل منتجع على جبل تستاهل العنوة والمشوار مكان جميل جداً من ناحية التصميم احساس انك بوسط البر ، هدوء ، خصوصية وعدم وجود حواجز اكثر مايميز المكان المسبح شي ثاني ❤️ المكان نظيف يحتاج لمسات إبداعية من ناحية الزراعة ، ارجع اكرر زيارتي له مره ثانيه

منتجع جدا راقي وجميل .. والتعامل مع العاملين بالمنتجع هناك جدا جميل نشكرا بالتحديد الأخ هاني على حرصة بالتعامل معنا تجربة مميزة ..'❤

مكان اكثر من رائع....جميييييييييل جميييييييييل...اخذنا قسم التلال....نظيف..وعجبني انه الأثاث جديد..... اطلالة المسبح اكثر من رائع......ماتحس بالوقت من جمال المكان والمنظر......يمكنك المبيت....مزود بغرف نوم....المطبخ متكامل...غلايه وميكرويف وفرن وثلاجه.....جميل انه فيه اكثر من مكان يمكن ان تتنقل فيها أثناء تواجدك....يوفرون لك مرسول اذا ناقصك شي حبيت هذي الميزه...شكر خاص للاخ هاني...جدامتعاون .....حريص...اخلاقه عاليه... اكرر زيارتي للمكان بكل تأكيد....

المكان جداً جداً جداً جمميل وفيه تفاصيل جداً جميله واهتمام من المالك الله يبارك له يارب .. العمال في خدمتك في اي وقت وفي اي شيء وجداً متعاونين .. لمن يجي يوم الحجز يتواصل معك المالك ويعلمك وقت الدخول والخروج والشروط وكل شيء (يعني تكون عارف وش لك ووش عليك ومرتاح) ويعطيك ايضاً ارقام مناديب اذا كنت تحتاج طلبات من الخرج (طبعاً التوصيل برسوم مثل اي مندوب) لكن المميز انهم يكونون متوفرين لك بحكم ان مو كل مندوب بيوافق يجي لمكان بعيد شوي .. المكان بعيد عن الازعاج وهادئ ومافيه تلوث ضوئي والسماء تكون صافيه ونجومها واضحه .. من كثر التفاصيل مدري وش اذكر ووش اخلي ماشاءالله تبارك الله .. من ضمن التفاصيل اللي لفتت انتباهي (المطبخ فيه جهاز يسوي لك ثلج للمشروبات بوقت سريع) فهذا ان دل على شيء فهو يدل على الاهتمام بأدق التفاصيل ايضاً فيه ثلاجتين ووحده منهم كبيره وتشيل كراتين المويا وكل شيء .. ايضاً الصاله فيها مدفئه اللي تكون مثل المكيف (ممتازه للشتاء) .. الديكورات شيء رهيب وتفاصيل جداً ممتعه لدرجة جلسنا فيه اكثر من ساعه وحنا بنطلع ماشبعنا منه وقاعدين نكتشف اشياء وتفاصيل جديدة رهيبه .. مدري وش اذكر ومدري اقول لكن المكان جداً جمميل ومثل الصور وأجمل منها بعد .. والمسبح ماشاءالله فخم وكبير وماهو عميق مرره وتقدر تسترخي فيه والإضاءات اللي فيه جمييله جداً .. وش بقى اقول ؟ تعبت وانا اكتب وللحين ماخلصت ماشاءالله بحط لكم بعض الصور وان شاء الله تبين لكم وش كثر هو جمميل تبارك الله ❤️‍ المكان يستاهل من لا تترددون ابد بالحجز ولا راح تندمون وراح تكررون الزيارة مره ثانيه .. المنتجع اللي اخذناه اسمه التلال

اقامة جدا كانت ممتازة هدوء المكان ونظافتة واطلالته المميزه اشكر جميع العاملين على تعاونهم واستجابتهم السريعة للعملاء واخص بالشكر للاخ هاني بتعاملة الراقي وحسن الخلق وانشاء الله نكرر الاقامة

مكان نظيف نظيف اطلالة رائعة ممتاز للاستجمام اسعار جيدة خدمة ممتازة يوفرون لك خدمات النظافة الحطب متعاونين جدا مفارش مظيفة وجديده يعطيهم العافيه يستحق الزياره عيوبهم بعيد عن الرياض ساعه مافيه خدمات مطاعم بس مرسول يوصل لهم الاطفال لازم معهم مراقب

منتجع جميل وفيه كذا منتجع في نفس المزرعه منتحعات متنوعه فيه وفيه عادي لكن المكان جميل واستجمام وراحه نفسيه❤️

مكان غايه الروعه مثل الحلـم جدا معجبه بهذا المكان الجميل روقان واستجمام وممتع جدا أتمنى يكون عندي مثله بيوم من الايام

مكان أكثر من رائع و يستاهل المبلغ والتعني صراحه و خدمة متميزة وتعامل راقي من الأستاذ هاني ....شكرا لكم أسعدتونا .

المنتجع قطعة من السعادة جميل جداً ونظيف يصلح لقضاء يوم كامل فيه وعن تجربتي معهم استمتعت جدا واشكر المسؤلين على التعامل الحلو والنظافة والترتيب

من افضل منتجعات الخرج وضواحيها ، لكن الخدمات منقطعه حولها ف جهزو كل اموركم ولاتنسون شي ..

المنتجع جدا روعه والمكان مطل على مزرعه وكل شيء نظيف ونفس الصور اخذنا القسم المغربي ونشكر صاحب المكان على اخلاقه والهديه شاكرين لكم ❤️

المنتجع راااائع ونظيف واجواائه جمييله واسعاره مره مناسبه ، المالك راقي ومتعاون جداً

مكان جميل و هادئ ،، يعتبر بعيد نسيبا عن مدينة الرياض،، قد يستغرق الوصول بين ساعة و ربع الى ساعة و نصف المكان واسع و يعطي استقلالية شخصية كبيرة مجهز بغرف نوم ،، و يوجد عدة خيارات للجلوس في الداخل و الخارج المكان مناسب للعوائل الكبيرة لقضاء وقت ممتع و مميز البناء على أكثر من طراز و شكل و التشطيبات النهائية جميلة ومميزة و شغل متعوب عليه يوجد حرااسة على البوابة ،، و الدخول يكون بالتسجيل في قائمة و بالتنسيق مع المستأجر يوجد في المكاان مسبح مناسب للاطفاال ، و مساحته كبيرة ،، و اطلالته على المزرعة جميلة يووجد مناحل في المزرعة ،، ويوجد امكانية الحصول على منتوجات المزرعة الطاازجة حسب الموسم و حسب التوافر الشاليه يكون على ارتفاع الجبل مما يعطي اطلالة جميلة على المززرعة و هو الذي يعطي المكان تميزه عن الشاليهات المنتشرة يوجد كهرباء في الشالية و لا يوجد اي ازعااج من مكاين او مواطير كهرباء بشكل عام المكان يستاهل السعر و يستااهل المسافة في الطريق اليه

منتجع حلو جدااا جدااا المكان والاطلالة والاثاث والنظافة شي فوق الوصف لو فيه اكثر من خمس نجوم عطيته وبعض التعليقات تعتبر ظااالمة للمكان صراحة من اجمل الشاليهات اللي زرتها ان شاء الله راح تتكرر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *