شاليهات ولف هاوس في الرياض

شاليهات ولف هاوس في الرياض

عبارة عن فلل من طابقين مبنية من الخشب على نظام أكواخ مع أثاث خشبي وغرف نوم و دورات مياة ومطبخاً على الطراز الأمريكي مع بار إفطار وتلفزيون .. و تحتوي كل فيلا في المنتجع على حديقة و مساحة خضراء في الهواء الطلق و مسبحاً مع ألعاب مائية، ويوجد مرافق للشواء .. و هناك أنواع من الفلل تختلف أحجامها وتصاميمها عن بعض مثل فيلا ( شيهانه ) و ( حكاية ) و ( الريف ) و ( ريحانه ) و ( هايدي ) و كانت إقامتنا في فيلا ( الجوكر ) وهي الأكبر حجماً والجميل انهم يواكبون الطقس الشتوي بتوفير مدفأة غاز وخيمة و منقد للحطب للجلسات الخارجية و في الصيف ايضاً يوفرون مايساعد على تبريد الأجواء في الجلسات الخارجية .. وبالنسبه للنظافة عالية جداً على الأثاث و المفارش ويوفرون صابون ومناديل .. ولفتني اهتمامهم بالتعقيم كان مباشرة بعد خروجنا وتغير المفارش للمستأجرين من بعدنا شكراً على حرصكم و نظافتكم تستحقون نجوم ⭐️ - , , , . , , , .. , (-), (), (), () (). , , .. , .. . , . . .

صراحة مرتب ونظيف مررره مرره رغم انه اكواخ كنت اقول بيني وبين نفسي اكيد كله حشرات ونامس طلع العكس

جميييل جدًا جدًا والأجمل أن كل الخدمات متوفرة فييه والرائع فييهم أن كل موسم يوفرون له خدمات مميزة ومناسبة للموسم زي الآن موسم الشتاء مقدمين لنا خيمة ومنقد ناار والزيارة السابقة كانت في فصل الصيف ومقدمين لنا ايس كريم فعلاً رائعين ودمتم متميزين تميزًا مبهراً✨✨✨

منتجع ريفي راقي ومستوى نظافه عالي وتجهيزات ممتازه ومناسب جدا للمبيت . لمن اراد الاستجمام والاستمتاع بالخضره والماء واصوات العصافير ، اعجبت جدا بتنسيق الحديقه بالاشجار المختلفه والورود . جربت الريف وهايدي وسأكرر التجربه باذن الله .

ممتاز جدا خدمات فندقية نظافة واهتمام بادق التفاصيل مناسب للتغيير من الرياض واخذ يوم للاستجمام في مكان ريفي هادئ مع الهواء النقي واصوات العصافير والنظافة

ما شاء الله تبارك الله. مكان خيالي في رأيي من اجمل اماكن الرياض تحياتي لكل العاملين من أصغر شخص لأكبر شخص في المكان اتشرف بأني كنت من الاشخاص اللي ساهمت في بزوغ هذا المشروع إلى النور وعملت فيه انشاءا وتأجيرا لن انسى كل اوقاتي بهذا المكان اتمنى لصاحبه العزيز على قلبي ابو ريان دوام التوفيق والنجاح ومن نجاح الى نجاح تحية من اخوكم الصغير ابو حفصة

أفضل شاليه مر علي، جيته مرتين من كم سنه واليوم كريته على أستس أحجزه حقيقة نفس مستوى الاهتمام والعناية ولكن عددما زاد وما صارت الجلسة تكفينا، ياليت الشاليه الكبير تكون جلسته تكفي لعدد الأكبر لأن مشكلته كل المساحات نكريبا جلستها الرئيسية تكون طق واحد بس خيال واللي ما بعد شافه لا يفوته، الشاليهات المميزة نادرة جدا

يستاهل كل نجمه ، خدمة فندقية ١٠٠٪؜ مكان نظيف جدًا جدًا مجهز بكل شيء غلاية مكرويف منقد وفحم الله يجزاهم خير ويبارك في رزقهم مكان واسع وكبير وشرح يفتح الناس وهدوء هدوء عجيب مكان رائع واكثر من رائع للاستجمام

جميله جداً و اشكرهم على جهودهم و استضافتهم الرائعه و نظافة المكان و حسن معاملتهم

لاتنسى تضع لايك لو استفدت من تعليقي جزيت خيرا تجربتي بمنتجع ولف جميييله اللهم لك الحمد اخذنا فيلا هايدي يومين الدخول كان تقريبا ٣وثلث كلمني الاخ بالاستقبال وقال المكان جاهز لكم وبالعقد مكتوب الدخول الساعه ٤ عصرا حبيت مرونتهم والمغادره تكون الساغه ١٢ ظهرا نجي للتفاصيل.... الساحه الخارجيه مزروعه اشجار وازهار والمنظر جميل ويوجد مسبحين الاول للكبار ليس عميق جدا بامكان الاطفال ١٢سنه الوقوف فيه اما الاصغر سن لا بيكون عميق عليهم والمسبح الثاني للاطفال الصغار يوجد زحليقه صغيره تبع المسبح ..المسبحين برايي الشخصي صغيره جدا مع العلم ان اطفالي انبسطوا بمسبح الكبار ولكن طوال الوقت يفولون ليته اكبر شوي . ايضا يوحد جلستين خارجيه كل جلسه بها ٦كراسي ورشاشات ماء وبخار جميله لطيفه بردت الاجواء كثيررررررررر . يوجد مكان للشواء منظف ومرتب لم نستخدمه. ندخلكم الان الفيلا ..... اول ماتدخل فيه صاله كبيره فيها جلسه ل٦ او٧ اشخاص تقريبا وتلفزيون وحمام كبير اعزكم الله ومطبخ جميل ومناسب متوفر فيه فرن عينين كهرباء وثلاجه حاطين فيها ماء شرب ضيافه جزاهم الله خير. وبراده ماء وموفرين دبة ماء شرب نشكرهم عليها ويوجد قدر كبير وقدر صغير جرانيت ومقلاه وملاعق خشب وطقم صحون ميلامين تقريبا ٦ وكاسات للقهوه وايضا فناحيل قهوه عربي وبيالات شاي وطوفريه وسكين كبيره و٢ سكين صغيره شي واحد للامانه تمنيته الشوك والملاعق الستيل كانوا موفرين بلاستيك مقوى ومانفعتنا لان احتجناها مع الوجبات كانت تنكسر بسهوله ياليت ينتبهوا لها النقطه. وايضا يوجد بالصاله المفتوحه طاولة طعام ب٦كراسي وايضا علاقه عبايات او ملابس خشيبه ...الدور الثاني يوجد به دورة مياه كبيره و غرفتين نوم متكامله الماستر سريرها يميل للصغر ليتهم مكبرينه شوي والغرفه الاخرى بها سريرين وايضا يوجد صاله علويه بها ٣ كنبات تتحول اسره نوم واحد منها كبير لشخصين والاخرى سنقل يعني تاخذ ٤ اشخاص بالراحه وقت النوم وطلبنا منهم مخدات وبطانيات اضافيه ووصلتنا نظيفه . يوفرون روبين للحمام مغسوله ومكيسه وايضا بعض المناشف وكذلك الشامبو والصابون وادوات حلاقه وفرشه اسنان يعني خدمه فندقيه جميله ⚘ التكييف ماشاء الله ممتاز .التجربه بفضل الله كانت بطله وان شاء الله نكررها واتمنى اكون غطيت اهم النقاط الاساسيه حوالين المنتجع فيه بقاله وحيده جيده ومحطة بنزين وصيدليه ودانكن دونت ومطعم برجر ماجربناه . اي استفسارات انا جاهزه اتمنى اكون افدتكم وسلامتكم ⚘⚘⚘⚘

شاليه شيهانة جدددداً جداً جميل ❤️❤️ الشاليه جميل ونظيف ومليان اشجار وورد والمسبح نظيف ويحمس للسباحه ويناسب الصغار والكبار يتوفر في الشاليه رذاذ مويه فَ يخلي الجو رطب وبارد طول اليوم مناسب للمبيت وآمن جداً مناسب لعائلة واحده أو عدد قليل من الاشخاص من ٦-٩ أشخاص كحد أقصى خدمة العملاء رائعة ، وماقصروا معنا في اي شيء نحتاجه من عيوبه مايتوفر في الشاليه الا دورة مياه واحده..

المكان جداً رائع ونظيف.. الموظفين جداً متعاونين والخدمة على مدار الساعة.. أخذنا ليلتين في ڤيلا الجوكر وحقيقةً تجربة تستحق إن الواحد يكررها..شكراً لهم.. ملاحظة بسيطة: وجود دورة مياة في الخارج سيساعد بالمحافظة على نظافة الڤيلا من الداخل، حيث أن له حاجة ضرورية بعد الإنتهاء من السباحة..

استاجرت فيه قبل العيد شهادة حق جمع الافضل والاكمل من كل ناحيه والكمال لله سبحانه النظافه نظافة فندق خمس نجوم مو نظافة شاليه عاديه وريحة المكان والمعطرات الي يستخدمونها تعطي المكان فخامه فوق فخامته والتصميم فريد من نوعه تنسيق الزراعه على الجلسات الخارجيه تصميم الفله الخشبيه وكونها من خشب يعطيك احساس ريفي جميل ماشاء الله تبارك الله الله يبارك لصاحبه ابدع من الاخيييييير

جميل بشكل عام .. طبعا غير مرقمه و لكن عباره عن مسميات وهذا اسمه شيهانه وتختلف على حسب حجم الشاليه .. يستحق الزياره و فريق عمل جيد بشكل عام .. الله يعطيكم العافيه

حجزنا كوخ هايدي ليلتين نظافة وتعقيم ، افضل شاليهات دخلتها في الرياض والتصميم ريفي استوائي كتير حلو وكتير انبسطنا كعائلة فيه مع بناتنا غيرنا جو المطبخ فيه غلاية ومايكروويف وقدرين ومقلاه وصحون وثلاجة بفريز وغاز سيراميك وكل شي ممتاز فيه رذاذ يلطف الجو ، ومكان للشوي فيلا هايدي كوخ دورين غرفتين نوم والصاله فوق ودوره مياه فيها كنب كله يتحول لسرير يعني لو عددكم سبعه ثمانية يكفيكم للنوم الغرف مع الكنب وتعامل الموظفين رائع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *