مركز تقدير اضرار الحوادث المروريه بمخرج18 في الرياض

مركز تقدير اضرار الحوادث المروريه بمخرج18 في الرياض






قدرت سيارتي ب٨ الاف وكانو منصفين الله يعطيهم العافية ماقصرو وربي يفتحلهم ابواب الخير

ماشاءالله تبارك الله مافيه زحمة ابدا جيت الساعه ٢ الظهر بيوم ٦ رمضان والحمدالله كان استقبالهم كويس فيه رسوم . حقت التقدير والدفع شبكة فققط ! واذا الغلط على الطرف الثاني ترجعلك مع التعويض دوامهم برمضان من الساعه ٨ ونصف الصباح الى الساعه ٣ ونص العصر ومن الساعه ٨ ونصف بعد العشاء الى الساعه ١ ونصف الليل الي قدر السيارة سعيد الجيزاني الله يجزاه خير كان لطيف وكويس ماقصر .

الخدمة سريعة في انهاء عملية التقدير وانت في السيارة تسلم الاوراق ويتم الاعتماد وتتجه على نفس المسار ويبدا الفني بالتقدير والانتهاء

مركز العالمية لتقدير أضرار الحوادث خدمة سريعة جدا وفعاّلة في اختصار وتوحيد النظام تروح لهم بدون موعد او يجونك مكانك برسوم وموقعهم يخدم الوسط الشرق والجنوب. دوامهم ص إلى م ورقم الاتصال + يردون عليه ويشرحون لك اللي تحتاجه. ما في ورق كل شي الكتروني، تفاصيل أكثر بالصور تحت يقبلون فيزا ومدى للدفع والحمد لله على سلامتكم

الخدمة جداً ممتازه والموظفين تعاملهم راقي جدا من السكرتي الى الموظف اللي يقدر خدموني وانا بالسياره بدقيقه وحده بالرغم ان فيه زحمة مراجعين الى ان العمل مرن وسريع جداً برافو عليهم

مركز تقدير للحوادث بمرخ ١٨ سهل ومنظم تروحله اذا انت مقرر حادثك مرور وتدفع رسوم الدخول وتدخل المركز وانت بالسيارة يقدر التلفيات والاشياء اللي تحتاج اصلاح او تغيير ويقولك توكل ع الله وتجيك رسالة بالقيمة التقديرية ثم تدخل ع موقع شركة التأمين للي مسويلك الحادث وترفع المطالبة وتنتظر التواصل ..

اشكر رجل الامن المرواني علي رقي تعامله واخلاصه

السلام ماشاالله ممتاز جدا والطاقم اكثرهم سعوديين محترمين والخدمه ممتاز والسرعه في الادا

هذا الفرع الجديد فتح في رمضان ١٤٤٠ ، منظم جدا وسرعة في الأداء ويوجد ٤ مسارات لتقدير الحوادث المرورية ، اخذت يمكن خمس دقائق من دخولي وصولا إلى التقدير . بالتوفيق للجميع

الي حاب يعرف التفاصيل يتابع ردي يفضل الحضور الساع ٧ للي مستعجل والي مو مستعجل يجي اي وقت وفي العموم شغلهم سريع ولا يتاخرون يوجد ثلاث مسارات مسار لتقرير حادث نجم مسار لتقرير حادث مروري مسار للسطحات الي عنده نسبة الادانه صفر مايدفع اي مبلغ عندهم التأمين يتحملها الباقين الدفع شبكه فقط لايوجد كاش بعد الدخول ممنوع تنزل من سيارتك يجي الموظف يصور رقم الشاص والعداد وأضرار الحادث ويقولك خلاص روح تجيك رساله بعد يومين فيها تكلفة شغل اليد والقطع وتروح للتأمين يعطونك فلوسك الرساله فيها رابط تفتحه ينزلك تقرير تكلفة التقدير عشان توديه التأمين طبعا الموظف ماراح يعطيك اي معلومه عن التسعيرة لأنها ترفع للحاسب عندهم بعدين يتم تقديرها لذلك حاول تختصر ولا تتناقش مع الموظف حول التسعيرة بشكل عام تعامل الموظفين سعودين وأجانب ممتاز جدا وسريع مركز تقدير يتواصل مع أصحاب قطع الغيار لتحديد الأسعار طبعا التسعيرة جاتني مناسبة ٦٢٠٠ ريال تغيير رفرف تغيير صدام تغيير عظمة الصدام

من تجربة اقسم بالله كلهم كفووو من المشرف حقهم الي المقيمين ما شاءلله

مركز مرتب شباب ممتازين جاني الموظف وفحص السيارة بشكل سريع وبكل امانه حتى استفسرت عن موضوع وكانو متجاوبين معايا بكل صراحة تقيميي ممتاز.

مركز تقدير حوادث السيارات. منظم نظيف. أداء جيد. لم انتظر اكثر من ٢٠ دقيقه. الموقع صناعية النسيم

شغلهم سريع بالأمانة

سلام عليكم ورحمة الله وبركاته اقسم بالله اقسم بالله اقسم بالله ماعندي كلام يعطيكم حقكم من أول الإتصال بنجم لحين الانتهاء من التقدير ربنا يبارك فيكم وعليكم ويحفظكم ويرعاكم من كل سوء ومكروه ويحفظ المملكه وشعبها من كل شر وسوء ومكروه أمين يارب العالمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *