عيادة الشفاء العصرية سابقا ( عيادة الامل المشرق) في الرياض





عيادة الشفاء العصرية سابقا ( عيادة الامل المشرق) في الرياض





عيادة الشفاء العصرية سابقا ( عيادة الامل المشرق) في الرياض 1
عيادة الشفاء العصرية سابقا ( عيادة الامل المشرق) في الرياض 3
عيادة الشفاء العصرية سابقا ( عيادة الامل المشرق) في الرياض 5

د. عبدالمعين قمة في الرقي بالتعامل والاخلاق وماهر في عمله. اخذت له قط مصدوم من الشارع اول مره ورفض ياخذ الكشفيه يوم عرف انه مو تبعي، الله يجعلها في ميزان حسناته. وبعدها اخذت له قطتي المنزلية لاجراء عملية تعقيم وكان كل شي تمام والتكلفة اقل من كل العيادات البيطرية الاخرى اللي سالت عنها. انصح فيه الجميع

قدمت مؤخرًا إلى مدينة الرياض، كنت متخوفة ألا أجد عيادة مناسبة، وبعد البحث والاستقصاء وجدت هذه العيادة، وأحمد الله أنني وجدتها، الدكتور كان يجيب على كل استفساراتي، أيضًا لاحظت هدوءه وانعكس هذا على قططي، كانت مرتاحة معه وتركوه يفحصهم بكل ارتياح، قمت بتطعيمهما وبإذن الله الزيارة القادمة ستكون لتعقيم أحد قططي. جزاك الله كل خير دكتور

ما شاء الله الدكتور بشوش ارتحنا نخلي القط معاه واجوبته تشمل السؤال والمساعد حقه محترم. الدكتور اعطانا معلومات اضافية بدون ما نسأل وافادنا ويده خفيفة الحمد لله؛ صح قطي ما تعود على اليد اللي تمسكه بس هذي شغلة الدكتور عشان يثبته تمام وانا اتفهم هذا الشيء تمامًا يعطيك العافية دكتور والله يبارك فيك ويكثر من أمثالك + العيادة معقمة طول الوقت الحمد لله، وريحة النظافة تخليكم تتخدرون ما شاء الله

عيادة رائعة و تعامل رائع، اتيت فحص عام على الكشفية لان الكيروان كوكاتيل حقي طيب و معافا وطمني عليه، قالي بس يحتاج قص مخالب و الحمد لله. انصح فيهم

عيادة راقية ونظيفة وأسعارها معقولة الأخ الي في الاستقبال منظم ومتعاون والدخول للعيادة بترتيب ويحرص إن الشخص ياخذ دوره العيادة تتعقم باستمرار الدكتور عبدالمعين قمة في الأخلاق والصبر والصدق والأمانة إذا الحيوان ما فيه مشكلة راح يقولك بكل صراحة إنه ما يحتاج العلاج بالنسبة لي عندي كنيورين واحد منهم صارله حادث ورحت عيادة غالية ودفعت فيها مبلغ كبير وفي الأخير الدكتور مو فاهم أبدًا في الطيور وقالي إن في مشكلة في المنقار وإنه بياخذ وقت طويل لين يطيب الطير + ما عطاني أي علاج له غير حق الديدان! ويوم رحت عند الدكتور عبدالمعين طلع المنقار ممتاز بس عنده التهاب في الأمعاء والأعصاب يعني مضاد + فيتامين ب حلت المشكلة الي استمرت أسبوعين بصراحة صعب تلقى دكتور يفهم في الطيور بس الدكتور عبدالمعين ما شاء الله فاهم وكل ما جيت عنده لقيت العلاج المناسب بالإضافة لأخلاقه العالية ويطمنك ويضحكك والله إني أطلع من عنده وأنا مرتاحة وأدعيله. الله يجزاه خير

د. عبد المعين من الأشخاص النادرين جداً في هذا الوقت متفاني في عمله وانسان ما ياخذ الوضع بزنس كسب ثقتي من اخلاقه الطيبة ولا استغرب ان تقييم العياده فوق ٤ واسأل الله تعالى ان ييسر كُل عسير له ويشرح صدره ويرزقه من الخير كله ويبارك له فيه وفي زوجته وذريته .

قطتي ما تقدر تحرك يدها اليمين ورجلها اليسار وما تاكل ولا تشرب صارلها ٣ ايام وأخذتها للمحل الي اشتريتها منه وما عرف الدكتور يشخصها قال روحوا سووا أشعة ودلنا على فرعهم الثاني ورحنا والدكتور في الفرع الثاني قال ما عندهم أشعة وسوالها فحص دم ب ٣٥٠ ريال واعطاها خافض حرارة بس وقال عندها فايروس، ودلنا على محل ثاني للحيوانات يقول يسووا أشعة لكن ما رحت وأخذتها للبيت ، وبحثت في قوقل عن أطباء بيطريين والحمدلله وجدت عيادة الشفاء العصرية واطلعت على تعليقات المراجعين وكانت اغلبها تمدح في الدكتور عبدالمعين طبيب العيادة ، ورحت للعيادة وفعلا ماشاءالله شخصها الدكتور التشخيص الصحيح وقال عندها كسور واعطانا التعليمات عشان الكسور وأعطى القطة مضاد حيوي ، وفي نفس اليوم بدأت تتحسن باءذن الله بعد المضاد واكلت وشربت الحمدلله، وكل يوم في تحسن، الله يوفق الدكتور عبدالمعين ويعطيه خيري الدنيا والآخرة، جزاك الله خير يا دكتور وكثر من أمثالك المخلصين في عملهم.

أنصح اللي يبغى يسوي لقطه إخصاء بهذي العيادة ✨ اعطيتهم قطي صايم من ١٠ ساعات عن الاكل والشرب خدروه وانتظروا شويه لحد ما يتخدر كامل بعدها سوا له العملية ما اخذت ٧ دقايق انا انتظرت وشفت العملية بعدها رجعت البيت خليت قطي عندهم لحد ما يصحى من التخدير تقريباً بعد ٦ ساعات رجعت لقيته شبة صاحي اول يوم ماكان يمشي زين بس من بكره الحمدلله ياكل ويشرب ويتحرك وصحتة ممتازة بعدها بيومين كلمتهم وصورت لهم مكان العملية وطمنوني وبعد ١٠ ايام صورتها وبرضوا تجاوبوا معاي الحمدلله ، اكتب المراجعة بعد مرور ٢٠ يوم نصيحه للي يبغى يخصي قطه اخصيه بهذي العيادة وانت مرتاح والله ماندمت ابداً اني اخترتها الإيجابيات : متجاوبين وفاهمين وانسانيين سلسين السلبيات : السعر صراحه شوي غالي عملية الاخصاء ٣٠٠ ريال + الضريبة عالعملية + الكشفية ٧٥ + الضريبة عالكشفية ، صح ان الشغل يستاهل بس الكشفية غالية تعليمات : ١- القط يكون صايم قبل العملية على الاقل ب ٧ ساعات ٢- قطي اعطيته اكل وماء بعد ما قام من التخدير ب ١٢ ساعة ٣- اول الايام انتبهوا للقط لا يلحس مكان العملية اهني واشكر الدكتور على خفة يده وامانته بالتوفيق

افضل عياده بيطريه رحت لها من مدح.. وصحيح كلامها بمحله واكثر... الدكتور عبدالمعين دكتور فاهم بالحيوانات صح.. اجرى عمليه ازاله رحم لقطتي وكانت بحاله خطره واخصيت عنده قط ثاني ولي زياره ثالثه بتعقيم قطي اشكره اشد الشكر....

قبل شوي كنت بالعياده معي قط منقذ كتن اول نقطه العياده جدا جدا نظيفه وريحتها تفتح النفس ثاني نقطه الدكتور محترم و محترف وفاهم بشغله وسريع اسلوبه حلو و وسيع صدر يتقبل كل الاساله وقت الحساب ما اخذ كشفيه و استشاره وهذا شي انساني جدا ونادر ولا لعب علي بالعكس طمني وقال مايحتاج شي شكرا جزيلا لكم واتمنى لكم التوفيق و التوسع

شكرا من اعماق قلبي للدكتور عبدالمعين والاستقبال ومعاون الطبيب رحت قبل اسبوع وكانت قطتي ع وشك الهلاك اسهال اعزكم الله وفطريات وتسلخات وعدم أكل والحمد لله بفضل الله ثم الدكتور ردت لها العافية حقيقة أنا تأخرت في التقييم عشان اشوف وش يحصل مع قطتي . مميزات العيادة : الأخلاق الحسنه اللباقة الابتسامة من الجميع حسن المظهر النظافة توب التوب الأسعار حلوووه. السلبيات : %

( من لايشكر الناس، لايشكر الله سبحانه وتعالى) من واقع تجربتي مع عيادة الشفاء العصريه خلال ال ٣ أشهر السابقه ، وبكل ماتحمله الكلمات من معاني، أشكر من كل قلبي الدكتور الفاضل عبد المعين على صدق التعامل وإتقان هذه المهنه الإنسانيه بحذافيرها . قد يعتبر البعض انها مجامله ، لكن أشهد الله انها كلمات قليله لاتوفى هذا الانسان حقه. ف قطي يعاني من تشوه خلقي في الفك السفلي ، ولا توجد عمليه باستطاعتها شفاؤه، وبسبب هذه المشكله ومع تقدم القط في العمر ، فإن القط يصبح غير قادر تماما على تحريك فكه سواء للاكل او للشرب، مما يعني الموت المحتم. والله الذي لا اله الا هو ، قد ذهبت ل ثلاثة مراكز بيطريه، وللاسف كل طبيب يأتي بنظريات وفلسفات لاتنم الا عن عدم خبره وعدم معرفة والأهم عدم مخافة الله ، تم صرف اكثر من ١٠٠٠ ريال مابين تصوير بالأشعه وتحاليل وكشفيات ، والمحصله فشل ذريع من قبل من يسمون انفسهم بالأطباء. وبفضل الله اولا ثم بفضل الدكتور عبد المعين ، قد انحلت مشكلة قطي وتمت متابعته من قبل الدكتور بعنايه فائقه والحمد لله ومن بعد فقداني للأمل، عادت الحياه للسنور تومي. كما أتقدم بكامل الشكر والتقدير للأخ عبد الكريم على حسن خلقه وتعامله اللطيف سواء معي او مع المراجعين أثناء انتظاري ل دوري. لكل محبين ومربين ومالكين الحيوانات الاليفه، سيفهمون المعاناه والقلق الذي نمر به بحال تعرض هذا المخلوق الضعيف لأي مرض او حاله خطيره تهدد حياته، أما منزوعين الرحمه والعطف فلا مكان لكم بيننا، ففاقد الشيء لايعطيه. واختم كلامي بحمد الله اولا وآخرا ، وادعو الله ان يبارك بالدكتور الفاضل وان يطيل بعمره وعمر الاخ عبد الكريم ويرزقهم من حيث لايحتسبون.

مره حبيت المكان كان مريح والدكتور شاطر ودي افتح عياده بيطريه بحينا لانه مافيه شي وش الاجراءات اللي عنده خلفيه ياليت يتواصل معي واكن له من الشاكرين

كل الشكر والتقدير للدكتور عبدالمعين دكتور مخلص ومتفاني ويرد على الاتصالات والرسائل برحابة صدر الله يكتب أجره تجربه رائعه انصح فيه

العياده نظيفه مرتبه اسعارها من المتوسط للمرتفع ..موظف الاستقبال لبق متعاون الدكتور ماشاء الله استقبال بشوش ويفهم حاله الحيوان ماطلب مني تحاليل عرف الحاله على طول وفعلا انا قاريه عن المرض قبل مااجي الله يسعده كان بإمكانه يطلب تحاليل وفلوس بس اكتفى بوصف الادويه وشرح طريقتها .. يعيب العياده ضيق مساحتها مافي كراسي انتظار كثير

اترك تعليقاً

لن يتم نشر عنوان بريدك الإلكتروني.

انتقل إلى أعلى