أفاتار للترفية في الرياض

أفاتار للترفية في الرياض






رحت هالمكان استمتعنا جدًا ‏رحنا من العصر لين العشاء .. احلى شيء فيه جلسات للاهل تقهوينا وتعشينا هناك وعيالنا يلعبون براحتهم .. السعر شوي مرتفع ب ٩٩ للشخص لكن عطونا خصم صار الطفل ب ٨٥ ‏واحلى شيء ان الوقت مفتوح ‏فيه ترامبلون ومكان للرمل تويتر @

مركز ترفيهي للأطفال مرتب ومميز حيث الألعاب الترابية والرياضية ونسبة الأمان فيه عالية جداً ويتواجد مشرفين ومشرفات للمتابعة وكذلك لديهم خدمة الرسم على الوجه ، كذلك يوجد مركز بيع العاب اطفال وكافيه مصغر ، وكذلك جلسات انتظار مريحة جداً .. الأسعار تقريبياً بحدود ريال للطفل في الفترة المسائية و ريال للفترة الصباحية .. انصح بالمكان لقضاء وقت مميز مع طفلك ..

مكان جداً جميل للاطفال مافي زحمة والالعاب مناسبة ,, فيه متجر للالعاب صغير وفيه بعد ذرة و << تشترونه .. عجبني مررة … والموظفين يهبلون نفسياتهم جداً جميلة وفي كل مكان موجوديين ومهتمييين بالاطفال جداً ويراقبونهم .. يعطيهم العافية … والمكان نظيف طول الوقت وفي عامل ينظف … الاطفال جداً عجبهم واستمتعوا فيه .. وفيه بعد رسم على الوجه … ومهرجيين يلعبون الاطفال صراحة مكان جميييييل يعطيهم الف عاافية ❤️

مركز ترفيهي للأطفال مكان جداً مناسب للأطفال ألعابهم متنوعه وممتعه وايضاً موفرين جلسات للمرافقين وقت اللعب مفتوح طول اليوم

المكان جميل المبلغ يعتبر مرتفع اذا جيت متاخر ، لكن عندي تعليق على الصور الموجوده بالمكان غير مناسبه ابددددداً لمكان لعب اطفال ولا اعرف الى ماذا ترمز هناك كثير من الشخصيات الكرتونيه المناسبه أكثر ومقبوله لدى اطفالنا اما الصور الموجوده بالمكان اعتبرها مخيفه للاطفال والدليل طفلي سالني عنها وطول الوقت ينظر لها بخوف واستغراب ارجوا اعادة النظر فيها

المكان رائع ، ومميز للأطفال ، زرت الموقع أكثر من مره مع بنتي وزوجتي ، الطفل يطلع طاقته ، وانا وزوجتي نتقهوى في الجلسات المخصصة وأشكر الإدارة على اهتمامهم بسماع صوت العملاء وأتمنى لهم التوفيق

المكان جدا نظيف ومرتب وهادي .. اتوقع الساعه كانت ٦٠ الالعاب تناسب من عمر سنه الى ١٠ سنوات فيه عمال يلاحظون الصغار وفيه اماكن جلوس للاهل مع زي بقاله صغيره امم الحلو انهم مايمنعون انك تجيب قهوتك معك بس ماكنت داريه اممم الملاحظات ليت بدال العمال كانو عاملات بيكون افضل للاطفال و ليت وفرو دوره مياه للاطفال بحيث تكون ع مقاسهم والشي الثالث دوره مياه النساء مكانها غلط وصاد يعني ماينفع طفله صغيره تروح لها لحالها فياليت يعدلون مكانها وليت وفرو غرفه صغيره لتغيير و رضاعه البيبي مهمه بمكان مثل هذا واشوف لو بدال البقاله يحطون اجهزه افضل وارتب وحتى يوفرون جهاز قهوه وبس اكيد انصح بزيارتها واكرر زيارتي له

مكان جميل ورايق .. صاحب المحل الله يوفقه يدور بالمكان ويتابع كل صغيرة وكبيرة بنفسه وهذا شيء فارق كثير بالنظافة واهتمام الموظفين .. شكراً

المكان رائع ومناسب للجميع الاعمار ونظيف ومرتب بصراحه اطفالي ينبسطون عليه وانا كذالك اخذ لي كوفي واروق واطفالي قريبين مني

المكان مرره جميل وعندهم خصم الاحد ومريح وهادي اشكر العاملات والعاملين على حسن اخلاقهم

المكان مره رائع ونظيف الي يشتغلون فيه حريصين مره على الأطفال و لطيفين فيه عاملة مخصصه لحوض الكور و حريصه على الأطفال عشان تساعد اي طفل بسرعه و العامل الثاني يدور في المكان و حريص فيه عامل عند عشان ما يطلع احد الاطفال فيه مكان لبيع الالعاب و الهدايا و كوشك لبيع المشروبات البارده و الحاره و الحلويات والتشوكلت فيه مكان للألعاب الرمليه فيه مكان مخصص للصلاة جميع الاعمار ب٦٥ ريال للساعة و الثلاث ساعات ب ٨٥ ريال والمرافق مجاناً وممكن يدخل اكثر من مرافق مع الطفل الواحد ( العدد غير محدد) فيه فترة صباحية و مسائية لكن الافضل تتابعونهم بالانستقرام او تكلمونهم قبل ما تروحون للانهم دائماً ينزلون عروض خلال الاسبوع و غالباً عرض يوم الاحد ( طفل و طفل مجاناً) او الساعة تكون ب ٤٠ ريال للطفل و ٣ ساعات ب ٥٠ الي اعجبني بالمكان انهم مخصصين منطقة لانتظار الاطفال مره كبيرة و مرتبة يجلسون فيها الاهل وممكن تجيبون معكم اكل و قهوة و سناكات خفيفة او حتى تطلبون من مطعم و تدخلونه عادي حبيت المكان مره و راح ارجع له قريباً بإذن الله

موقع راقي محترم نظيف يستحق الزياره اسعاره معقوله يتميزبقاله بالداخل كذالك كوفي واللعاب اطفال ماشاء الله شي راقي جداً للامانه جالس مرتاح واطفالك قدامك مرتاحين جلسات مصلى شي فوق الخيااااااال الله يبارك لهم ويجزاهم خير ويوسع لهم برزقهم ونطلب المزيد كذالك عروض المهرجين تاخذالعقل ماشاء الله تبارك الله شي فوق الخيال والله لوطلبو٢٠٠ريال دخوليه ماهي خساره الله يرزق الجميع تحياتي لجميع الطاقم المحترم

المكان في النهار جميل جدا وفاضي ومريح تعامل الموظفين جدا لطيف الجلسات حلوة ويسمحون لك تدخلون اكلك وقهوتك معك مع ان موجود بقالة صغيرة وقهوة ان شاء الله مب اخر زيارة لي

جميل نظيف مرتب وهناك مشرفات حريصات ولطيفات مناسب من سن سنه ونص تقريبا حتى ١٠

المكان ممتاز ولطيف للاطفال بين عام و٤ اعوام الكاشير متعاون الاسعار متوسطة الساعة ٧٥ ريال والثلاثة ساعات ب ١١٠ ريال اوصي ب زيارته

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *