الكبسة الحساوية مطعم في الرياض

الكبسة الحساوية مطعم في الرياض

مطعم الكبسة الحساوية عندهم كبسة العجوز الحساوية يسيل لها اللعاب والكبسة الحساوية ماعليها كلام
ماننصح اصحاب البطون الضعيفة
الموقع الرياض – حي النهضة – شارع الامير بندر بن عبدالعزيز

اللي يدور عن مطعم يضبط اكلاتنا الشعبيه والتقليدية وبما أنها حزة غدا تغطيتنا اليوم بتكون لـ
@kabsah_hasawiah
وفرعهم الجديد بحي لبن مكان جميل وواسع قسم افراد وقسم عوائل بخصوصيه مناسب لذوي الهمم يوجد مصعد منيو متنوع واكل لذيذ وتقديم جميل ولاتفوتكم كبسة

الكبسه الحساويه لهم فرعين بالرياض الاول بحي الخليج وهذا فرعهم الجديد بحي لبن وانصح بزيارته وكثير منكم ماعنده معلومه انه فاتح المنيو جداً متنوع اللحوم المستخدمه نعيمي والدجاج انتاج مبرد والاسماك فرش وكل يوم بيومه تجيطلباتي جميله وافضلها كبسة العجوز الفته والتبولة والبرياني

الكبسه الحساويه لاتنسون كبسة العجوز انا اخذت دجاج واللي يحب نكهة السبايسي عليه بالبرياني والفتوش والتبوله وحتى الجريش حبيت حموضته موزونه ومن تنوع الاطباق عندهم متوفرة حتى القهوه العربيه والشاهي تلقيمه وعندهم من الحلويات كنافه وتشيز كيك وهنا

هذا المطعم هو مطعم الرز الوحيد اللي نجيب منه إذا اجتمعنا،،
سواء كنا بلحالنا،،
أو كان عندنا ضيوف،،
ماشاء الله تبارك الله
ناجح بمعنى الكلمة،،،
ولذيذ،،
ولاعمرنا جبنا منهم وندمنا،،

هو بالواقع أغلى وبكثير من باقي مطاعم الرز العادية الباقية،،
تقريباً ضعف السعر
يعني سعر نصف الدجاجة عند المطاعم ب١٨
وعندهم ب٣٥ ريال،،
لكن بصراحة الجميع يقول يستاهل
والطعم ما يقارن،،

حنا بالعادة نطلب منهم برياني الدجاج أو كبسة العجوزة،،
حلو إذا تبي تعشين أحد تاخذين حافظاتك أو صحونك وتخلينهم يعبونها لك،،
ترى يواجه مرة،،
أنا كم مرة أسويها،،
أذكر مرة جاء أبوي للرياض،،

الله يغفر له ويرحمه هو وأمي وسائر موتى المسلمين،،
ويجعل قبورهم روضة من رياض الجنة،،

ويحسن لهم ويرفع منازلهم مع النبيين والصديقين والشهداء والصالحين،،
ويجمعنا بهم في مستقر رحمته،،
وأبوي بالعادة يرفض رفضاً قاطعاً إننا نعزمه ونتكلف،،
أو نذبح عشانه،،

فوديت حافظاتي للكبسة الحساوية عشان أوحي لأبوي إني أنا اللي طابخة الغداء،،،
والحمدلله جاز له،،
الله يطعمه هو وأميمتي من ثمار الجنة،،
بعد جربت عندهم السمك والربيان،،
للي يحب،،

حطوا إذا تبونهن بقوقل ماب (الكبسة الحساوية بشارع الأمير بندر بالروضة )وتلقونه بإذن الله،،
والله يحيينا حياة طيبة،،
رمضان داخل علينا،،
فجربوه لجمعات السحور،،
وبإذن الله يبي يجوز لكم،،

ضيافتنا اليوم كانت عند الجميلين في مطعم الكبسة الحساوية
@kabsah_hasawiah
@kabsah_hasawiah
اللي يتميزون بأطباقهم الأكثر من رائعه ترجعك للماضي الجميل لأيام الطيبين لأكل الجدات والأمهات 🥺♥️♥️
.
طبعا لهم قصه اكثر من رائعه اللي توجت فيها نجاحهم ، تبدأ قصتهم بفرع صغير في الدمام حي (٧١) ومن بعد نجاحهم بدأت الفروع تتوالى وتنتقل من الدمام للرياض وقريبا في مدن المملكه ومما يميزهم أن الشيف الرئيسي لجميع الفروع وصاحب الخلطه السرية لجمال اطباقهم هو صاحب المطعم بنفسه حيث تصلهم الخلطات يوميا بعد تجهيزها صراحه بعد ما جربنا شغلهم عرفنا ليش يخبي طريقته وخلطاته 😉😌✌🏼
.
.
شكراً عالضيافة مطعم الكبسة الحساوية🌼✨
.
.

مطعم الكبسة الحساوية
📍الموقع ضاحية لبن

المطعم راقي و تعاملهم قمة الرقي والاحترام جداً ونظيف ريحة المكان جدا جميله راح يكون من اشهر المطاعم برياض اكله جدا لذيذ اكل حساوي من التراث الحساوي جودة عالية مستوى و الجلسات رايقه حبيته 😍😍😍😍👌🏻

طلبات :
كبسة حساوية روبيان 10/8

  • برياني سمك شعري 10/9
  • مشخول حساوي كنعد10/9
  • كبسة حساوية حاشي 10/10
  • كبسة حساوي هامور 10/10
  • كبسة العجوز الحساوية10/10
  • مشخول حساوي دجاج 10/10
  • برياني كنعد 10/10
  • سلطة فتوش 10/10
  • سلطة تبولة 10/10
  • سلطة خيار لبن 10/10
  • حمص 10/10
  • ورق عنب 10/5

ملاحظه : اكله جدا لذيذ ومالي دخل لو تدمنونه🤍🤍😝😂

اشتهينا رز وكبسات ودايم ندوق (مقلوبة) قلنا بنغير.. دخلت تطبيق جاهز ولقيت هذا الكبسة الحساوية صوره حمستني..
.


طلع صدق لذيذ 😭😭😭😭😭 صدق كذا اكل اهل الحساء يجنن ماشاءالله!!.
.
اخذنا كبسة حساوية سمك.. وكبسة العجوز الحساوية بالدجاج👌🏼😍 صدق لذيذ مررررة تحسون مليان طعم ونكهةةةة تستحق التأمل ودك تجلس تاكله وتتلذذ بكل ملعقة🙏🏼بس طعم السمك مو فرش اتوقع الهامور بيكون الذ بكثيررر من الفيليه.
.
اسعاره شوي مرتفعة مقارنة بمحلات الكبسة والبرياني بس والله يستاهل التجربة والاعادة بعد.. دخل مخي بقووة😅🙈






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *