Ethr – اثر ممشى السعديات، المبنى رقم 5، مقابل مطعم

Ethr – اثر ممشى السعديات، المبنى رقم 5، مقابل مطعم

 

Ethr – اثر

ممشى السعديات، المبنى رقم 5، مقابل مطعم بيروت

⏰:
03:00pm-10:00pm
* الاوقات للافتتاح التجريبي وقابلة للتغيير

اثر من الاماكن اليديدة في ابوظبي، المكان عبارة عن كافيه ومساحات للابداع والتصميم فكرة الكافيه شي غير عن المعتاد حيث ان كل قطعة اثاث فالمكان ممكن يعاد تنسيقها وتتحرك وتتصغر المساحة وتتكبر على حسب احتياجكم اسم اثر تم اختياره لان في وايد قطع بتشوفونها فالمكان لها قصة معينة وفي عدد من القطع يايبينها من مختلف دول العالم مثل الابريق الي تتقدم فيه القهوة المقطرة وفي المكان نفسه بيكون فيه زاوية تنباع فيها قطع خاصة في المكان ومن تصميمهم مثل كفرات التليفون بتصميم خاص فيهم ومذكرات وغيره الجميل ايضاً الاضافي على كل هذا ان فالمكان بيتم تقديم ورشات عمل مختلفة تقدرون تعرفون عنها من حسابهم الكافيه يقدم قهوة مختصة وعدد من المشروبات الباردة بالإضافة الى الحلويات الي هم يعدونها المكان في كل وقت له تجربة مختلفة وقت العصر تستمتعون فالظلال ووقت المسا تستمتعون ف تجربة الاضائة الموجودة فالمكان ومعطية طابع مختلف عن الي معتادين عليه كل ابريق قهوة شكله غير عن الثاني وكل واحد من بلاد مختلفة يايبينه وحتى تقدرون انتوا تييبون معاكم في حال سافرتوا لمكان قطعة من الفخار وتعطونها الكافيه يستخدمها ادوات الاكل عندهم فكرتها غير مألوفة في اي مكان عندنا مب بس تاخذ الملعقة او الشوكة وتاكل لا، انت لازم تركبها وعقب تستخدمها وهذا الشي مختارينه لفكرة استغلال المساحات يعني ممكن تحط شي وايد جميل لكن في مساحة صغيرة

حساب اثر على الانستقرام: ethrae

 

الموضوع منقول





انتقل إلى أعلى