|Brasserie Louis| تقييم اليوم وصلنا من صديقتنا المبدعة الغائبة عن الحساب

|Brasserie Louis| تقييم اليوم وصلنا من صديقتنا المبدعة الغائبة عن الحساب

 

|Brasserie Louis|
تقييم اليوم وصلنا من صديقتنا المبدعة الغائبة عن الحساب
l o t y- ‎مرحبًا ‎وحشتوني و وحشتني كتابة تقارير المطاعم‎الحمدلله أبشركم إني تخرجت و حصلت على درجة الماجستير و راجعتلكم بقوة إن شاء الله ‎الله يسخر لي ماما يارب و كل مره توافق لي أروح أجرب مطعم جديد
‎التقرير عن المطعم الفرنسي Brasserie Louis
Teatro Mall, Tahlia street
012-6680303
‎زي مو مكتوب هو في تياترو مول جنب آوت پاك تقريبًا‎له مدخل خارجي من ورى المركز و له مدخل من المول نفسه!
‎الطلبات كانت:
شوربة اليوم ٣٨
كافيه باريس انتركوت١٥٦
باڤلوڤا ٤٢
إكلير ٤٢
كابوتشينو ٢٨
قهوة بيضاء ١٦
سڤن آب ١٢
مويه آيڤيا صغيرة ١٨
التوتال ٣٥٢
– المطعم هادي جدًا جدًا زي أي مطعم فرنسي و ينفع للناس الرايقه و يفضل عددهم ما يزيد عن ٣ – ممنوع اصطحاب الأطفال بعد العشاء- الأكل لذيذ و الكميات معقولة بس الأسعار زايدة عندهم – الباڤلوڤا مررره ما حبيتها ، تفوز بأسوء باڤلوڤا جربتها في حياتي صوص الفراوله طعمه طاغي بزيادة- عندهم واي فاي بس كان خربان و ما يشتغل- كثير أشياء في المنيو كنا بنطلبها قالنا سوري مو موجوده اليوم!
– النظافة ١٠/١٠
– معلومة مهمة: المطعم بالحجز مع إنه كان شبه فاضي لكنهم يفضلون الحجز المسبق
عن نفسي ما أظن إن المطعم فيه شيء يخليني أكرر تجربتي عندهم بس اللي يحبون المطاعم الفرنسية و أجواءها ممكن يناسبهم jeddah restaurants فرنسي
jeddah restaurants كافيهات

 

الموضوع منقول



انتقل إلى أعلى