Authentic breakfast at sagerestauranteg اول لما الشتا روايحه بتهل علينا بنفرح

Authentic breakfast at sagerestauranteg اول لما الشتا روايحه بتهل علينا بنفرح

 

Authentic breakfast at sagerestauranteg
اول لما الشتا روايحه بتهل علينا بنفرح جدا بالمود بتاعه والطقوس الشتوية اللي متعودين نعملها واللي اهم حاجه فيها طبعا هي الفطار بره البيت هو الشتا ايه يعني غير خروجة الفطار!! معروفه يعني
ورغم ان الشتا لسه مجاش اساسا ويادوب فيه نسمه برد علي خفيف كده بس احنا تقريبا بنتلكك ووحشتنا جدا خروجات الفطار ومش قادرين نصبر لما يدخل الشتا اللي بجد علشان كده قررنا افتتاح الموسم الشتوي للفطار بره وبدأنا بخروجه فطار في sagerestauranteg اللي طبعا مكانتش اول مرة نروحه بس دي كانت اول مرة نجرب الفطار عندهم ولأننا بنحب اكلهم جدا وواثقين في مستوي كل حاجه بيقدموها فأول ما سمعنا ان عندهم منيو فطار جامد ومختلف قررنا اننا لازم نجربه
بصراحه هم ماخيبوش ظننا وطلعوا قد ثقتنا فيهم والفطار عندهم طلع تحفه خصوصا فكرة انهم يعملوا بيتزا مخصوص للفطار دي عجبتنا جدا لأننا بنموت في عجينة البيتزا الإيطالي المميزة بتاعتهم وطبعا لما يبقي عليها اومليت مع البيبروني والهوت دوج والفلفل وميكس الجبنه الموتزاريلا والبارميزان لازم هتطلع بيتزا تحفه وخفيفه وحلوة اوي علي الفطار
جربنا كمان طبقين حلوين اوي بيبقوا عبارة عن رولز معموله من عيش التورتيلا والاتنين عجبونا اوي خصوصا ال cheeder chicken roll اللي كان خفيف ولذيذ جدا خصوصا مع صوص الرانش
عاملين كمان بان كيك مختلفه جدا لأن عجينتها معموله من الموز من غير أي حاجه تانيه وده مخليها صحيه جدا وطبعا مليانه موز وميكس بري وعليهم صوص فراوله وكان طعمها خطييييير ونفسنا يعملوا منها اكتر من نوع بصوصات واضافات مختلفه زي النوتيلا طبعا
عندهم ٣ انواع من البرطمانات حلوين جدا وافكارهم كلها خفيفه وصحيه واكتر واحد عجبنا فيهم كانت البليله حبيبه قلبنا في الشتا وكانت كريمي وطعمها تحفه وبيجي معاها مكسرات وعسل ابيض علشان نزود براحتنا حسب ما بنحبها وكمان فيه واحد تاني فيه مكس تفاح وقرفه وزبادي يوناني كان طعمه جبااااار خصوصا لما زودنا عليه عسل طعمه بقي فظيع
الخدمه عندهم فوق الممتازة والناس كلها في منتهي الذوق والاحترام ويخلوك عاوز تكرر التجربه تاني
المكان في التجمع الخامس في polariseg وبنرشحه جدا لخروجه فطار حلوة اوي
mr and mrs foodie breakfast cairoeats

 






اترك تعليقاً

لن يتم نشر عنوان بريدك الإلكتروني.