مطعم اسرار النكهة في جدة حي المروة

مطعم اسرار النكهة في جدة حي المروة

مطعم عباره عن قصة نجاح؛ البداية كانت من حساب في انستقرام و الان عندهم مطعم في حي المروة ‍ ‍ ‍ للطلبات الخارجية

أوقات العمل من ١ ظهرًا إلى ١٠:٣٠ ليلا
العنوان حي المروة – شارع عامر بن أبي ربيعة
خصم خاص للمتابعين ٢٠٪؜ يسري الخصم الى نهاية يوم ٢٦ فبراير ٢٠٢٠؛ يشمل الخصم الطلبات و تموين

الحفلات و المناسبات
️ الطلبات: (الأسعار قبل الخصم)
▪️رز برياني دجاج ٢٠ ريال
▪️رز سليق دجاج ٢٠ ريال
▪️رز حمص باللحم ٤٢ ريال
▪️مكرونة باشميل ٢٢ ريال (لحم او دجاج)

▪️كرات بطاطس بالدجاج ١٩ ريال
▪️ورق عنب عادي او أسبايسي ١٩ ريال
▪️فتوش ٧ ريال
▪️سلطة مكسيكية بالمانجا ٧ ريال
▪️حلى لاتيه صغير ١٣ ريال
▪️سحلب ٧ ريال

▪️ترمس قهوة حلوه ٣٨ ريال
توصيل عن طريق تطبيق يوتو او مرسول
عندهم استعداد لتموين الحفلات و المناسبات للتفاصيل التقييم:

والله لفيت مطاعم كثير زي السمبوسه والشوربه
والبشاميل والسليق ما لقيت مطعم رائع وصاحبه اروع ذوق وأخلاق ما شفت زيها صراحه هذا المطعم هو التوب في رمضان رب يبارك لهم فيه

اكل بيت لذيذ ونظيف

فوتتشيني ١٠ / ١٠ لذييييذه ومضبوطه

كرات البطاطس لذيذه والدجاج لذيذ
بس
لو صوص الجبن في اخر طبقة كان مغرق البطاطس زي ما احنا متعودين

راح تكون الذ والذ

كل التوفيق يارب 😍😍

لذيذ جدا يستحق التجربة حقيقي اكل بيت من الاخر وجربت بوفيه كمان من عندهم الصراحة اكل تفتخر به قدام ضيوفك

المحل مرتب ونظيف كذلك أكلهم
الطلب خارجي فقط
الطلب:
سليق بالدجاج :لذيذ لكن يحتاج تزبيط شوي الطعم فيه حاجة مغيره طعم السليق
برياني بالدجاج : لذيذ جدا
كرات البطاطس :لذيذة لكن تحتاج تسخين
الفتوش: الصوص لذيذ لكنها سلطة خضار اكثر من انها فتوش
بشكل عام الاكل لذيذ وانصح بتجربته

طلبت من تويو ووصلني الاكل حار وصراحة بعد ماطلبت دخلت التقيممات ف قوقل وخفت شوي من التهويل اللي صاير ولما وصلني طلع العكس تماما البشاميل حكاااااية وسلطة المنجا مكس فنان صراحة وكرات البطاطس حلووة الحشوة بس احس البطاطس نفسها تحتاج شوية تحسين لانها سادة بدون نكهة بس بالمجمل الطبق حلو يعطيك العافية فعلاً شغل نظيف واكل بيت ربي يوفقكم

اكلهم يجنن بالذات كرات البطاطس و سلطة المنجا. لا تفوتكم- والسليق بالدجاج يوم الاحد و الثلاثاء حاجه خيال – وعندهم الجمعه رز بحمص مع اللحمه – ومخلالات – لا يفوتكم زوبد 😋😋😋

اول مرة اطلب من عندهم ، الفتوش ب 9 ريال مرة يفوز بس الخبز المقلي اللي يجي معاه كميته مره قليلة ، كرات البطاطس ب 22 ريال والمكرونة بشاميل بالدجاج 25 ريال كويسين ، وورق العنب سبايسي ب 16 ريال طعمو عادي مش واو

طلبي كامل ب 72 ريال

ما شاء الله اكلهم ابدااااع اتعب بكل ما تستحقه الكلمة كل صنف الذ من الثاني والمرة الثانية كمان طلبت فوتشيني وكانت برضو لذيذة واسعارهم كويسة كمان
ان شاء الله يستمرو على هذا المستوى

صراحة جربت الباشميل باللحم المفروم.. سمبوسة لحم و سمبوسة هندية بالبطاطس و سلطة فتوش..

أولاً : الأسعار كويسة ماشاء الله 👍🏻
ثانياً: الطعم ماشاء الله لذيذة .. الباشميل شوية اللحم زفر بس مرة كويس طعمه .. السمبوسة اللحم ممتازة .. والسمبوسة الهندية عجبتني مع اني حسيت شوية الحموضة فيها زايدة لكن ما فرقت كثير معايا
وسلطة الفتوش طعمة و كويس العيش المقمّر خلوه برة عشان يحافظ على القرمشة 👍🏻❤️

ان شاء الله لنا تجارب قادمة مع أصناف اخرى 😃🙏🏻
ويعطيكم العافية 🌷❤️

مع محدوديه الاصناف لاكنها من الاخر بدايه من سلطه المنغا بكل الخلطبيطه الي فيها من حلو ومالح وحامض واخضر واصفر مرورا بالبف باستري الهش مع خلطته المحبوكه الي الباشميل بطعم ايام ايام زمان واخيرا كرات البطاطس الي كل لقمه تطلعك للسماء من فرط متعتها الله يوفقهم يستاهلو كل خير

مجمل التجربه كانت جيده جداً

طلباتنا كانت :

سليق دجاج ١٠/٦ ملح ناقص والطلب جا بارد مع العلم اني ساكن جنب المطعم في نفس الحي

باستا الاجبان ١٠/٩ ملح ناقص بس لذيذه جداً

ورق عنب ١٠/١٠ ممتاز جداً ونكهته موزونه

ملاحظة الطلب يتاخر طلبت من تطبيق ولكن افادني ان التاخير من المطعم

أوجه لكم تحية صراحة.. الله يبارك لكم جدا لذيذ ومليان نكهة ..
عرفته عن طريق اعلان سناب.. وكثير مرات انصدم من هذي الإعلانات مايكون فيها مصداقية.. لكن الأصناف اللي جربتها عندكم تستاهل 👌
جربت المسخن لذيذ جدا وصل ساخن ومقرمش ومافيه زيت،، مع اني لست من عشاق المسخن بس حبيته وكميته مناسبة بالنسبة للسعر.
والفتوتشيني لذيذة واحترافية و٥ نجوم. فيها نكهة غريبة زي المدخن لكن حبيتها..
الفتوش بعد ممتاز، بعض المطاعم يحطون خس وخيار وخبز محمص وقالوا فتوش،، أصناف الخضار فيه متنوعة و متناسبة.. والتتبيلة والخبز المحمص ولاغلطة.. لكن للأمانة كمية السلطة قليلة نسبيا..

الله يسعدكم الأكل جداً لذيذ لازم كل اسبوع نطلب منكم
السليق ذكرني بسليق امي زمان في المدينة ايام البرد والبطانيات والدفاية شغاله، بس الدجاج يبغاله يتحمر زيادة عشان يصير مقرمش والدقوس لو تخلوه نوعين نوع عادي ونوع سبايسي افضل.
المسخن ولا غلطة 👍🏽
الباشاميل لذيذ.
كرات البطاطس مو مرة عجبتني.
السمبوسة لذيذة بس احياناً تكون مالحة شوي.
سلطة المانجا تموت بس خسارة ليش لغيتوها اولادي كانوا يتضاربوا عليها.
استمروا الله يوفقكم.
ان شاء الله المنيو الجديد ما يأثر على طعم باقي الأصناف القديمة.

طلبي كان
كرات البطاطس لذيذه بس ي ليت يزودو الكميه لان الكميه قليله مقارنة بسعرها
الفوتشيني ممتازه
سمبوسة الهنديه ممتازه
المسخن اعطيه ٥ لان اول مره اذوقه وماعجبتني
الشغل نظيف والطعم لذيذ
المطعم يستحق الزياره لان يعتبر كأنه اكل بيت والله يوفق صاحبه

وربي مطعم مرة يفوز، ثلاث ايام ورا بعض قعدت اشتري منهم. للامانة البرياني ماعجبني مرا حسيته مقبول. لاني توقعته يحرق وغني بالنكهة لاكن طلع العكس. بالنسبة للسليق جداً عجبني الرز بس حسيت الدجاج مافيه طعم.
جربت عندهم الورق عنب عجبني السبايسي اكثر من العادي، معطي طعم رائع ولسعه معقوله. واجمل طبق جربته وطعمه باقي في فمي وانصح فيه للي بيروح هو كرات البطاطس بالدجاج عبارة عن ٦ كرات من البطاطس ومن حولها بحر من الكريمة والدجاج جداً انصح فيها.
للامانة اتمنى يغيرون الاطباق الاسبوعية كل اسبوع لاني مليت من البرياني والسليق كل يوم، اتمنى اضافة لحم للمنيو اليومي. تقدرو تتصلو عليهم وتحجزو طلبكم، لاكن اكثر من مرة ادق عليهم ماحد يرد 😂😂.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *