|ڤبيانو| تقييم رائع وصلنا من صديقتنا المبدعة emma review مساء الخير

|ڤبيانو| تقييم رائع وصلنا من صديقتنا المبدعة emma review مساء الخير

 

|ڤبيانو|
تقييم رائع وصلنا من صديقتنا المبدعة
emma review
مساء الخير
ريڤيو لزيارتي لمطعم ڤبيانو | التحليه شارع الأمير محمد المطعم نظام خدمه ذاتيه “تستلم بطاقه عند الدخول
و تمسك مكانك عند كل قسم عشان تطلب بنفسك و تختار الاضافات او تعدل عالطبق اذا ما ناسبتك مكوناته في المنيو قسم بيتزا و قسم للباستا و قسم للسلطات و قسم للحلويات قسم للعصيرات الفرش
عند كل قسم فيه شيف أو ٢ يطلب منك تمرر البطاقه على جهاز اول شي عشان يقرا السعر و يسجله على بطاقتك و تسجل باقي الطلبات بنفس الطريقه في كل مره و انت خارج تسلم البطاقه للكاشير و تحاسب بنفس المبلغ المسجل فيها
الاطباق تتحضر قدامك و بمجرد الشيف يخلص الطبق يناوله لك و تخدم نفسك و توديه للطاوله المطعم شرح و كبير ألوانه فاتحه تفتح النفس دورين كلها عوائل و الدور الثاني تقريباً فيه بارتشن و جلسات توفر خصوصيه و هدوء بعيده عن الازعاج طلباتنا: * پيني الفريدو ” باستا بيني بصوص الفريدو مع ماشروم و دجاج ، الباستا شويه دسمه بس مره لذيذه و الدجاج رغم اني ما اكله عادةً و ابعده بس المره ذي أكلته لأنه لذيذ و محمرينه ” ٤٥ ريال
* شوربة طماطم “ثقيله و مسبكه و مبهره مزبوط مع قطع خبز محمصه من ألذ شوربات الطماطم اللي ذقتها ” | ١٤ ريال
* بيتزا مرقريتا “لذيذه و خفيفه” ٤٥ ريال
* مستا بيكولا “سلطه مكونه من اوراق خضرا مع طماطم كرزيه و ذره و شرايح جبنه متبله بخل البلسمك ، مره لذيذه و خفيفه و تتبيلتها طعمه” ٢٥ ريال + اضافة صنوبر ٥ ريال
* أربياتا “بيني بصوص الطماطم سبايسي و رشة بارميزان “ماحبيتها صراحه | ٤٢ ريال
* بيتزا الجرجير “المكونات اللي عليها ضيعت طعم العجينه و صارت طريه و تتقطع و ثقيله و بهاراتها خفيفه ماتوفقنا فيها” | تقريباً ٤٥ ريال
بعدين غيرنا طاوله العشا و جلسنا في سكشن القهوه و طلبنا – ٣ كابتشينو “مره لذيذ و حجم الكوب ممتاز” | الكوب ب١٣ ريال
– ٢ تيراميسيو “طعمه حلو بس الكريمه اكثر من قطع الكيك” الواحد ب٢٢ ريال حجم كبير
– بلوبيري تشيز كيك “حالي جداً مو لذيذ و البسكوت ضايع ” حجم كبير ٢٢ ريال حبيت فكرة المطعم و الاطباق اللي طلبتها كانت لذيذه بدون استثناء ، اسعاره حلوه و مناسبه
في قائمتي المفضله jeddah restaurants أيطالي

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *