ياربي لك الحمد أحب أمور الضيافة،، وأحس إني أفهم فيها إلى

ياربي لك الحمد أحب أمور الضيافة،، وأحس إني أفهم فيها إلى

 

ياربي لك الحمد أحب أمور الضيافة،،
وأحس إني أفهم فيها إلى حد ما،،،
بس اليوم كان يعتبر بالنسبة لي إختبار شوي صعب،،
احترت فيه،،
لأن ضيوفي كانوا بس ٢
وفيهم البركة،،
اللي هم جاراتي اللي جدارنا واحد وهن خواتي وحبيباتي،،
وحدة منهن تبي تسافر وتتركنا
الله يذكرهم بالخير،،
١٥سنة كانوا خلالها أهل مو جيران
لكن مانقول إلا؛
الله يحفظهم ويسعدهم أينما كانوا
الفكرة كانت بالبداية طلعة كوفي،،
فقلنا ليش ما نخليها بالبيت أروق وأهدى،،
وبعد لازم تصير بسيطة مرة،،
وفيها أريحية،،
ومرتبة أو فيها ذوق لتليق بهم،،،
الاختبار كان صعب بالنسبة لي لأني بصراحة ماعمري عزمت ٢ بس ،،،،
فقلت خليني أجرب طريقة الضيافة بعربة التقديم،،
حطيت عليهن مناديل حلوة،،،
جوني هدية برمضان من بيت عمنا،،
الله يكثر خيرهم ويغنيهم،،
حطيت الحلو بالدرج أو الرف اللي فوق،،
مجموعة منتقاة من حلويات هند سويت،،
((ميزتها إن شغلها لذيذ وتبيع علب بكميات قليلة تصلح لمثل موقفي الآن وأسعارها جداً جداً مناسبة))
وفدج غين غين تشجيعاً للصناعة الوطنية ،،
ولوزيات لاميزون اللي سبق سولفت لكم عنها بالعيد
ومعهن ملقاط سعنون للخدمة الفردية
وعلى الحامل حلو بأكواب ورق،،مع ملاعقهن
وتحت حطيت التمر والفناجيل
والقهوة بزمزميات سعنونة،،
وصحون لطيفات مقسمة،،،،حبيتها مررررررة،،،حسيتها شوي فندقية،،
هذي الضيافة بصفة عامة جازت لي ،،
حسيتها راقية وبسيطة بنفس الوقت،،
ماشاء الله تبارك الله،،
وياربي لك الحمد جازت لهم وأثنوا عليها،،
فنجحت بالاختبار،،
وعطيت روحي ٩ من عشرة
((الدرجة الناقصةعشان التواضع ))
،،
،،
والآن،،
حبيتوا طريقة الضيافة بعربة التقديم ؟
تبون ضيافة الشاي؟؟

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *