و اخييرااا ذقت التوت البري من وانا بالثانوي تجلس سوما

و اخييرااا ذقت التوت البري من وانا بالثانوي تجلس سوما

 

و اخييرااا
ذقت التوت البري من وانا بالثانوي تجلس سوما تحكيني عن مزرعتهم و كيف انو عندهم شجرة توت كل سنه تثمرلهم و يعملو مربى ووو
وانا اقولها ذقت التوت اللي بالسوبرماركت مرا ماعجبني تقولي لا مرا غير عنننن جدد طعمه لا يقاااااارن لذذيذذ لذيذذ ❤ طيب بتسألو فين رحتو
رحنا لمصنع منتجات دهن و مياه الورد الطائفي صورت صورة للمياة الورد الطائفي بعد التقطير اشترينا من المنتجات اللي يعملوها (صابونهم ريحته ❤ و طري مدري كيف زي الجلاتين)
و المخمريات مرا حلوة اخذنا منها
و ماشاءالله هو عامل المصنع و وراه حديقته استأذناه ندخل الحديقه و سمح لنا لأول مرا ادخل حديقة و مزرعه لمحاصيل
مرا ماشاءالله مرتبها و حاط عريشة وتحتها جلسه و عامل ضيافه للي يجوه 4 ثلاجات شاي بالورد الطائفي (لذيذذذ ❤)
و سمحلنا نقطف من التوت و ناكله
وماشاءالله زارع رمان و تين و ياسمين اعتقد ! بس بعضها لسع ما جا موسم نضوجها مرا استمتعنا و حبيييت طعم الشاي بالورد الطائفي افتكرت لما كنت بالمدينه كانو البنات كل ما جات حفله بالمدرسة كانو يجيبو الورد الطائفي كزينه و كدا فيقولولي انهم يعملو فيه شاي و ياكلونه كدا وانا اعطيهم نظرات (☻شك) ما اصدق خخخ خلاص صدقتكم الان مرا لذيذ
عن جد الله يباركله عملنا رحله سباحيه بمزرعته ❤ يب افتكر انو شفنا دبابير حمرا و نملات كبيرة و حشرات يمااااا خفت اتقرص منها انا لما ابطل اخاف من دي الحشرات بعملي مزرعه باذن الله << واضح بحلمي حتكون المزرعه نسيت انزل صورة شجرة التين ☻ خلاص تعبت مافيني

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *