ورجعنا للسي فود مرة تانية اسماك ثراء asmaktharaa ليش أحب أطلب

ورجعنا للسي فود مرة تانية اسماك ثراء asmaktharaa ليش أحب أطلب

 

ورجعنا للسي فود مرة تانية
اسماك ثراء asmaktharaa
ليش أحب أطلب منهم، غير ان اكلهم جيد، كمان بسبب سحس الله يسامحه، بالعافية عليه
المهم نرجع لموضوعنا
سمك بطريقة المنجا، ايش يعني، باختصار السمكة تجيك نظيفة ومقطعة مربعات زي المنجا بطريقة تقريبا مافيها شوك، تاكل وانت مبسوط
عادة اخد القاروس من باب التوفير، وطعمه لذيذ الحقيقة
الجمبري المقلي عندهم مختلف عن باقي المحلات، مرة مقرمش، وحجمه كويس يعتبر كبير
في الطواجن نحب نطلب الفرنسي، متميزين فيه
المرة دي جربنا معاه طاجن الجمبري الهندي، لذيذ لكن حار نار، من جد حار، مرة حار، تاكله بالعيش ولا احلى
البشاميل مرة ما عجبني، يذكرني بالمحلات الرخيصة للاسف، في نظري مازال توينا احسن طاجن بشاميل
للتسلية شوية كالاماري مقلي ومحار بالليمون، المحار لذيذ الصراحة
وشوربة بس عادية ممكن تستغنو عنها
صحيح الكمية شوية كبيرة لكن كانو عاملين وقتها عرض ٥٠٪؜ ف طلبت مرة كثير
سمك وجمبري وطاجنين مع الرز والمحار
يكفي ٣
الجيعان يدعس
التغليف زي اغلب المحلات، السمك والجمبري في صحون ورق، جوا كيس مقفل، والطواجن في صحون بلاستيك متغطية
المختلف عندهم انه كل شي محطوط في كراتين كبيرة، اسهل في الشيل وانظف من انها تكون بس كده اكياس
الطلب كان من نفس المطعم، مرة اتصلت عليهم، ومرة بالواتساب، وعندهم كمان تطبيق عالجوال، جربتهم كلهم
يوصل في خلال ساعة تقريبا وحرارته كويسة، مو بارد
** بالنسبة لمطعم سمك اشوف انه اختيار مناسب تطلبوه في البيت من نفس المطعم
فين احسن محل تطلبو منه طواجن جمبري ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو وصل سمك جمبري
jeddah restaurant delivery food hungry careem careemnow hungerstation toyou wssel seafood

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *