هذا البوست مرجع لي ولكم لفنادق مكه (الله يرزق الجميع زياره
هذا البوست مرجع لي ولكم لفنادق مكه (الله يرزق الجميع زياره قريبه)
بكتب لكم الفنادق اللي جربتها بإيجابياتها و سلبياتها
و تفضلو شاركوني بأسماء الفنادق اللي جربتوها
قصر مكه رافلز (برج الساعه)
مميزاته
– كلها اجنحه واسعه و خدمه رائعه (الجناح فيه دورتين للمياه تكرمون)
– اطلالات بانوراميه
– موقعه في ساحة الحرم
سلبياته
– النزول للحرم ياخذ وقت لأن فيه تنقل بين الممرات و تبديل مصاعد الين تنزلون الساحه
فيرمونت (برج الساعه)
مميزاته
– فندق جميل طابع مودرن اطلالات عالحرم
سلبياته
– النزول للحرم ياخذ وقت لأن فيه تنقل بين الممرات و تبديل مصاعد الين تنزلون الساحه
حياة ريجنسي جبل عمر
مميزاته
– موقعه ممتاز خلف برج الساعه مباشره
– الوصول من الفندق للحرم سهل ومباشره
– غرف مريحه انيقه مودرن
سلبياته
– الاطلالات مو مباشره عالحرم فقط جانبيه لان امام الفندق مبنى برج الساعه
شذا مكه
مميزاته
– فندق جديد مريح طابع اندلسي انيق
– اسعاره مناسبه جداً
سلبياته
– موقعه مقابل لأعمال التوسعه للحرم ف الوصول للساحه ياخذ وقت في المشي (١٠ دقايق)
اكتبولي تجاربكم عشان المتابعين يسسفيدون وانا أولهم الزياره الجايه ان شاءالله باخذها على توصياتكم ✨