مندي دجاج بالفرن مندي بالفرن مندي دجاج مندي البيت سلااام
مندي دجاج بالفرن مندي بالفرن مندي دجاج مندي البيت
سلااام من أول نفسي اجرب مندي بالفرن !
و جات الفرصه
في اكتر من طريقه لتبهير الدجاج و الرز
الطريقه بتسويته وحدة ! فاول حكتب التتبيله حق الدجاج بطريقتين
صح استخدمت دجاج مقطع مبرد >>> توفير وقت
استخدمو دجاجه لو حابين كامله بس تكون مقسومه نصين ~
تتبيله الدجاج اللي استخدمتها //
كركم
بابريكا
بودرة ثوم
قرفه + شوي هيل مطحون !
فلفل حار بودر
فلفل اسود
ملح
التتبيله حق المندي الاساسيه = فقط كركم و ملح و فلفل اسود xD >> انا تبلت على كيفي
ملاحظة للرز //
لكل كوب من الرز = كوبين موية فاتره (مو مغليه)
الطريقه //
* تبلت الدجاج من الليل و غلفته و حطيته بالتلاجه * على كف حمست بصله صغيرة بالسمنه
* و اضفتلها ( ورق غار + عود قرفه + كزبرة =ماكان عندي حب فاستخدمت مطحونه + ٣ قرنفل )
* بصينيه بايركس حطيت كوب رز و كبيت حمسه البصل و البهارات عليه * اضفت كوبين موية فاتره (ماهي مغليه) + بفنجان ذوبت مكعب ماجي مع ملعقه فلفل أسود >> اذا تبون الرز أبيض لا تحطو الماجي ولا الفلفل الاسود (اختياري)
* غلفت الصينيه بقصدير محكم و بالشوكه عملت فتحات * وزعت الدجاج المتبل على القصدير المقطع بعدو غطيته بقصدير تاني و قفلتهم باحكام من الجوانب عشان لا يتسرب البخار
* حرارة الفرن 180 تركته ساعه !
*فتحت القصدير الاول و فكيت النار اللي فوق 10-15دقيقه عشان تتحمر و تاخذ لون * على بال ما تتحمر ولعت فحمه و حمست صنوبر بالسمنه الين اتحمر
* بعد ما تحمرت طلعتها من الفرن و فتخت جزء صغير من القصدير اللي تحت و حطيت قصدير على شكل فنجان سويته حطيت فيه شوي زيت و شوي سمنه و حطيت الفحمه عليهم كتمت الصينيه بالقصدير حق الدجاج عشان ابخر الرز و الدجاج سوا >> زي المقطع
* رفعت الدجاج و الرز قبل ما احركه بالملعقه ذوبت بفنجان ( بودرة زعفران بموية ) و صبيته على جزء من الصينيه عشان ياخذ لون أصفر ~
* و بس ! رتبتهم بصحن التقديم و رشيت الصنوبر بالوجه و بالعافيه
حرفيا سهله ! و ما تاخذ وقت !
لانو بس حطي كل شئ و ارمي بالفرن ساعه ع بال اتفرجي درامتك
مو زي الباستا و الايدامات لازم اكون عندها اقطع و اقلب بالنسبالي انا من محبي الرز الابيض ~ و الايدامات
فما اعتقد راح اعيد المندي تاني
لانو انا و زوجي مو أكيليين فحرام يبقى الصراحه كانت تجربه ناجحه و سهله
وبس ولله ~
anooo kitchen