مقالة مهمة اوووووي للي هيذبح ed from elhanimegypt الهانم بتقدم للهوانم

مقالة مهمة اوووووي للي هيذبح ed from elhanimegypt الهانم بتقدم للهوانم

 

مقالة مهمة اوووووي للي هيذبح
ed from elhanimegypt الهانم بتقدم للهوانم الدليل الوجيز في الدبح والبهاريز بمناسبة عيد الأضحى وكل سنة وانتوا طيبين، علشان لو هتقفوا مع الجزار وهو بيدبح أو ممكن تبعتيه لجوزك، الدليل كامل للأضحية ومعاه تلخيص منبع المعلومات في الدبح والقطعيات
الفخدة
قوله عايز الفخدة كاملة ومفتوحة من غير تقطيع وقطعها انت (ايوه اسمع كلامي قطع انت)، الفخدة بيكون فيها وش فخدة وظهر فخدة وعرق تربيانكو وسمانة وكولاتة ووردة أو ذيل كولاتة وموزة بالعظم أو اوسو بوكو بالعظم وفرخة الموزة وآخر حاجة حتة قد كف الايد اسمها سبايدر، لازم تاخدها وتصمم انه يطلعها علشان دي الزبدة بجدالكتف
قوله عايز ستيك الكتف اللي هو ايرون ستيك، خده وشيله وبعد كده وديه لحد يشيل الشغتة اللي في النص واعمله أحلى ستيك، عندك كمان حتة اسمها البوت دي من أهم وأحلى وأطرى حتت الكتف، عندك الدوش بقى والدوش أبو عظم اللي هو البرسكيت والشورت ريبس، خد الشورت ريبس على المنشار الكهربا هيبقى موجود عند الجزار، والدوش هيبقي عظيم في الروست في الفرن ٨ ساعات، الباقي بقى خده موزة أمامية و كباب حلةالرقبة
دايما بتبقى يا متقطعة حلو يا مخلية للشوربة بالعظم والذي منه، وفيها حلويات خدها كده دي بيبقى الكتف والفخدة والرقبةالبطن والسرة
فيها حتة لحمة مدورة معقولة الحجم اسمها هبرة البطن أو السرة، ودي الفلانك عظيمة على الطاسة وعندك حتتين لحمة طوال أوي كده، قوله عايز ورق الحجر زي ما هما بحالتهم وانا هقطعهم، دول شاورما ممكن تسويهم في ٥ دقائق حرفيا،
الظهر والريش
قوله عايز عرقين الفلتو زي ما هما قطعهم انت أو خد عرق كامل وسيب التاني، لو جزار شاطر شوية هيقطع لك بيت الكلاوي اللي هو الـبورترهاوس ومعاه العرق الفلتو أو ديله وده يبقي الـ تي بون، بعد كده عندك سريليون وريب ايي كبر دماغك وقوله عايز الأميرية، بس متحفش في الدهن سيبه زي ما هو، دول خلاصة اللحمة ومتعتها الحقيقية حطها على الطاسة ٧ دقائق مع ملح وفلفل وتمام اوووي خلصنا الظهر كله كدهالحلويات
في حتة لحمة بتدوب كده اسمها اليهودية هي بتكون حتة واحدة في الدبيحة متغطية بشغت كتير، قوله طلعلي اليهودية هيعرف انك فاهم ومش هيعرف يسرق حاجة يحطها في الكزولك، عندك بعد كده راس وعكاوي أو ديل براحتك، متنساش الكلاوي والمخاصي والممبار خليه ينضفهم كويس، كده تبقى طلعت حتة لحمة عجب ومضحكش عليك، وخلي بالك لسة في قطعيات أكتر وأحلي بس لو هو الجزار طلع لك دول يبقى خير وبركة، المهم بس ميدبحش غلط ويموت العجلكتب بواسطة الشيف وناقد الطعام محمد صلاح
الهانم ملاك اللحمة بهاريز صلاح

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *