مطعم سيد جاير و الشيف محمد صرح جديد له تاريخ عريق

مطعم سيد جاير و الشيف محمد صرح جديد له تاريخ عريق

 

مطعم سيد جاير و الشيف محمد
صرح جديد له تاريخ عريق في دنيا المشويات يفتتح فرعه الثالث في قلب القاهرة الجديدة
منذ اكثر من ٦٠ عاما في حي حلوان كانت بدايه جابر مع المشويات و اصبح علامة من علاماتها يعرفها كل سكان حلوان بعد فتره افتتح فرعه الثاني في المعادي و اصبح برضه من اعلام المشويات هناك
ودلوقتي وبعد افتتاح فرع التجمع الخامس زرناه علشان نعرف التاريخ والاسم الكبير ده وصل له ازاي
اول ما دخلنا المكان لقينا مطبخ مكشوف و مفتوح لاي حد حابب يشوف الاكل بيتعمل ازاي وده دليل على قوة المكان وانه نظيف و كل شغله قدامك ‍ بس من الملاحظات اللي لفتت نظرنا عنده وسالناهم عليها ان الاسياخ كلها ستانلس ستيل غير الاسياخ الحديد اللي بنشوفها عند الكل و عرفنا ان مشاكل السيخ الحديد و اثاره على الكفته وتاثيره على الصحه بيسبب اضرار صحيه كثيره قرروا يستغنوا عنها ويحافظوا على جودة ونظافة اكلهم كمان طلعنا للدور الثاني للصاله الكبيره الشيك مع الاستقبال المبهر من العاملين في المكان و بدانا نستكشف المنيو واصنافها اللانهائيه و اسعارها الهايلهفي البدايه نزلت السلطات المتميزه و اللي بتتميز بالبساطه و الطعم المتميز و خصوصا الكول سلو و السلطه البلدي بعدها نزلت شوربة الكوارع سخنه و ملغمه بما لذ و طاب و تديك طاقه عظيمه علشان تستعد للوحوش اللي جايه بعد كده و اولها فتة الكوارع اللي مافيهاش غلطه مع حتت الفلفل المشطشطه و الصلصه البيتي و حتت الكوارع المرشقه في الطبق
طبق المقبلات بقى حكايه وروايه ومليان محاشي بكل انواعها مادوقناش زيها ابدا في اي مطعم قبل كده و سمبوسك خطيره و ممبار مقرمش و رزه مفلفل و بهاراته مظبوطه و شطشطه من بعيد تفتح نفسك
لقينا بعدها داخل علينا الشوايه العظيمه وعليها ما لذ و طاب من (كباب و كفته و سجق و شيش طاووق و فراخ مشويه) معمولين بمزاج عالي و التتبيله بتاعتهم خطيره واللحمه طريه وجوسي و اخص بالذكر الفراخ المشويه المقرمشه من بره و شاربه التتبيله و طريه و تجنن من جوه
عشاق الحمام المشوي المحشي مايفكروش كثير و يروحوا فورا ياكلوا احلى حمام محشي متسوي على الفحم
اما الوحش الكبير فهي الموزه البتلو المهريه و اللي اول ما تمسكها تلاقي لحمها ساب عظمها و مع اول مضغه تبوش في بقك
الناس دي لها حق تكون على القمه بسبب الطعم و الجوده و النظافه و الضمير و الذوق و حاجات كثير لما تروحوا هناك هاتعرفوها
عرفت كمان انهم اساتذه في التسويات و في العزومات و عندهم فريق كامل من الشيفات يقوم بكل اللي تحلموا بيه ‍ ‍ ‍ ‍

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *