مطعم بيتوتي جدة

مطعم بيتوتي جدة
تجربة ل واحد من مطاعم الاكل الصيني المعروفة
طلبنا من عندهم جمبري ديناميت، كرات الجمبري، شوربة توم يوم وذرة بالسلطعون، نودلز بالجمبري، دجاج منغولي، جمبري تبنياكي، وكالعادة بيبسي
قبل الاكل لازم تبدؤو بالمخلل حقهم، رهيب، الخيار يفوز
الديناميت شرمب طعمه جيد، حباته صغيرة ويتاكل كده زي الفصفص، طبعا نظام المقلي اللي ما يقرمش
كرات الجمبري تجي حبتين في الطلب، مليانة من جوا، وكمان تعجبنا مع الصوص حقها
بالنسبة للشوربة كلها لذيذة، افضّل التوم يوم عشان الحرارة اللي فيها، بس اللي يحب الذرة والحلاوة كمان حتعجبه
نودلز بالجمبري، انا طلبت ازالة الخضار، اللي يعجبني فيها ان فيها نكهة، مو زي بعض المحلات، ونحيفة ما تعتبر سميكة، وكمان حجم حبات الجمبري كويس
الدجاج المنغولي اول مرة نجربه، وللامانة حسيته افضل دجاج عندهم
اخر شي الجمبري، دي المرة اخذنا تبنياكي، واشوفه اختيار ممتاز، عادة اطلب الجمبري بالكاجو وكمان لذيذ
الواحد ياكل طلب مع شوربة
الشوربة ٢٦، كرات الجمبري ١٥، الديناميت ٣٧، نودلز الجمبري ٣٣، اطباق الدجاج في حدود ال٤٠، والجمبري ٦٠
اسعار المحل تعتبر متوسطة الى مرتفعة
كل طلب في علبة قصدير مقفلة، والطلبات في اكياس بلاستيك مغلقة من المطعم للحماية
طلبنا عن طريق تطبيق كريم، كان عندنا كود، موجودين كمان في جاهز، هنجر، تويو، ولقمتي
** بيتوتي اسم معروف في الاكل الصيني، اطباقهم اغلبها كويسة، وممتاز لما يجي البيت يوصل حار، حجم الجمبري كبير، والشوربة لذيذة، التوصيل من جاهز مجاني 👍🏻
من فين تحبو تطلبو صيني 😋

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *