مطعم بودو مورو مختص بالمأكولات الإندونيسية — العوالي شارع ابراهيم الجفالي

مطعم بودو مورو مختص بالمأكولات الإندونيسية — العوالي شارع ابراهيم الجفالي

للتقرير الجديد بالفيديو اضغط هنا 

مطعم بودو مورو
مختص بالمأكولات الإندونيسية

العوالي شارع ابراهيم الجفالي بجوار بيتوتي
جدة حي المحمدية شارع الامير سلطان بعد بيتوتي المحمدية

دورين للعوائل والأفراد مع توفر مصعد
ديكور المطعم جميل والمطبخ التحضيري مفتوح يعني كل شي قدامك
—-
بودو مورو رفع مستوى الأكل الإندونيسي
في كامل تفاصيله المكان الديكور ، الاكل ، التقديم ، النظافة وكُل شىء
—-
النكهات موزونة اللحم طري ونوعية ممتازة المكونات جودتها عاليه
ضروري تجربون الاصناف وهي ساخنه وتستمتعو بالنكهات
—-
podomoroarabia
podomoroarabia
podomoroarabia

المطعم لذيذ
الصوص اللي مع الساتي جدا قليل
وطلبنا صوص اضافي قال بريال استغربنا كيف كده كل المطاعم يقدم مع الساتي صحن صوص وبعدين واحد سعودي جابه لنا مجانا


طلباتنا:
-بلابلا ١٠/١٠
-قادو قادو ١٠/١٠ بس الطبق مره صغير لما تجي تاكل اغلبه ينكب بره عشان الصحن صغير
-بطاطس شيبس ٣/١٠ ماعجبتنا ابدا طعمها صلصة طماطم وليمون لو كانت بالفلفل حتكون اطعم
-ساتي دجاج ٩/١٠
-دندن لحم ٦/١٠ جيد ولكن مو حار ومفلفل زي المعروف
– لحم راندن ٨/١٠ لذيذ و موزون
– لحم مور مور بالتمر الهندي ٨/١٠
-سعودي شمباينا ٦/١٠
المطعم عموما لذيذ ونظيف بس يبغالهم يركزو على نظافة الاطباق عند التقديم والنكهات في بعض الاطباق

مطعم بودو مورو
لعشاق الأكل الأندونيسي 🇮🇩
🤩خصم 15% إلى 11/12/2021🤩
كود خصم للتوصيل jeddahG
للطلبات والتوصيل
عائلات وأفراد


ديكورهم رهيب ومميز 👍🏽😍
طلباتنا كانت:
الطبق اللي لازم تاخذه من أي مطعم اندوسي طبق المشكل 🍱😋
اخذنا مشكل سنقل ب39﷼في صحن واحد
واخذنا سلطة 🥗 قادو قادو 17﷼


بلابلا مميزه عندهم صراحه 👌🦐 17﷼
وطلبنا الشيء المميز عندهم صراحه اللي هو صحن المشكل المشاركه يجي فيه 10 اصناف مختلفة بالإضافة للرز والشيء الجميل انه كل صنف يجي في صحن لحاله مرتب 👍🏽😍 66﷼
ومن الساتي اخذنا ساتي 🍢:
لحم 21﷼


دجاج 17﷼
جمبري 31﷼
واخذنا سمبل بيض🥚 14﷼
ناسي قورينق (رز مقلي بالخضار) 19﷼
جمبري 🍤 مقلي بادان 21﷼
عشاق الاسبايسي 🌶ضروري تاخذوا


السمبل الحار 4﷼
اشار بيكلز 4﷼
عندهم تشكيلة من العصيرات
ليمون 🍋 نعناع 12﷼
عصير برتقال 🍊 14﷼


آيس تي 7﷼
العنوان : جدة حي المحمدية طريق الأمير سلطان
وعندهم فرع في مكة العوالي

المكان جميل وديكوراته حلوة صغير لكن يفي بالغرض
في بعض الاكلات طعمها لذيذ وبعضها طعم مختلف عن الاكل الجاوي المتعارف عليه
اصناف اللحم عندهم كلها لذيذة
ساتي الدجاج لا باس به
الشوربة جدا لذيذة
البطاطس المقرمشة والمكعبات لذيذة جدا
النودلز لا باس بها


فيه نوع ارز بالخضار جدا لذيذ
الكفتة جدا ما عجبتني للاسف لا توجد بها اي نكهة
التعامل ممتاز والاسعار جيدة والخدمة سريعة
حبيت فكرة انو طبق المكس يجي كل صنف في طبق لحاله عكس المعتاد عليه في الاكل الجاوي انو كلو يجي مقسم في طبق واحد
تجربة جميلة كانت

طلبنا مشكل مشاركة ب٦٣
كمياته قليل، تعرفوا في البداية الشخص ممكن يقول ليش بس بيني وبينكم وربي اطعم والذ كدا لأن الأكل الجاوي يشبّع بسرعة.
فرق فرق بين التوصيل والأكل في المطعم، فرق في السعر والكمية.
الطبق في الآبز ب٧٣ وفي المطعم ب٦٣


وكميته واصنافه في التوصيل مهي بتنوع المطعم ابدا ابدا
في المطعم حسيت الأصناف اكثر
لكن عيب المشكل مافيه كفته كان ولا بيض. لكن البطاطس يغني.
طلبنا ساتي دجاج وساتي لحم وناسي قورنج مع ساتي منوع.
عجبهم اللحم جدا وماعجبهم كتير كرات الجمبري.


الدجاج لذيييذ والأهم انه صدور.
الفاصوليا بالجمبري اعجبت الجميع حتى اللي ماياكل بحري طعم الصوص والفاصوليا ممتاااز.
البيض والصوص تبعه ممتاااز.
مربعات البطاطس لذييييذه.


طبعا اكل جاوي من اللي فيه شوية حلاوه. اللي مايعجبه كدا لا يجي.
الأسعار مرتفعه، الكمية قليل ولكن متنوعة جدا و دا أفضل والمطعم يستحق وطعمه وتجربته افضل في المطعم نفسه.
كل شي مقسم في صحن، الديكورات مميزه والجلسات محدودة جدا

||| المكان |||

– مطعم أكلات جاوية / اندونيسية.
– أعتبره من المطاعم القليلة التي تقدم تجربة الطعام الاندونيسي بشكل عصري وأنيق.
– المكان بشكل عام نظيف ومرتب، وديكوراته مميزة ولطيفة.
– يعيبه صغر المساحة.
– يوجد قسم للشباب (الدور الارضي) وقسم للعائلات (الدور العلوي).

||| الطعام |||

– الأطباق الجاوية / الاندونيسية المقدمة في هذا المطعم متنوعة ولذيذة.
– يتم تقديم مرقة / شوربة خفيفة في البداية كضيافة.

– الأطباق المجربة:
طبق مشكل (جيد).
ناسي قورينق [رز مقلي بالخضار] (لذيذ).
ساتي جمبري (جيد)، ساتي دجاج (جيد).
ساتي لحم (لذيذ جدا، وأعتبره أفضل ساتي عندهم).
بيض كالو (جيد).
دندن (عادي).

||| الخدمة |||

– الخدمة بشكل عام جيدة.
– الطاقم ودود وسريع في الخدمة وتقديم الطلبات.

||| الأسعار |||

– الأسعار تعتبر متوسطة ومناسبة.

||| التجربة / الزيارة بشكل عام |||

– خيار ممتاز لمن يرغب بتجربة الطعام الجاوي / الاندونيسي بطريقة لذيذة وأنيقة.
– زرت المطعم عدة مرات، وسأكرر التجربة مستقبلا.

ممتاز و دي ثالث مرة اطلب منهم
جربته في مكة و دحين في جدة

طلبي كان صحن مشكل و ٣ ساتي لحم و معاه شوربة و اول مرة اشربها و طلعت لذيذة مرة

كل شي لذيييييذ صراحةً
و اكيد برجع له ثاني و ثالث كمان 😍
كل الطلبات كلفت ١١٠ ريال
يستاهلوا كل ريال من جد 👍🏻

تحديث /
رحت المطعم نفسه و الاكل الذ ما شاء الله طبعاً لانه حار و مقدم في صحون قزاز 😍
راح ادمنه و بيكون من مطاعمي المفضلة 👍🏻

الخدمة مرتبة جداً ونظيفة
التصميم والديكور جميل مرة
الاكل لذيذ جدا والكميات كبيرة ومناسبة
طلبنا ميكس ٦٦ ريال ويكفي شخصين او ٣
بصراحة يكرر وينصح به لعشاق الاكل الجاوي ✨
الساتيه الدجاج لذيذ مرررة واتوقع اللحم راح يكون الذ

هالمطعم أكلهم عاجبنيييي مره عاجبني
ذقته بالبيت قبل وهالمره جيت اتعشا بنفس المطعم
جججوي جوي أكلهم وأطباقهم كلها ١٠/١٠
صح شوي صغيرة وماتكفي خصوصاً ان السعر عالي نوعاً ما
لكن لذييذة واطلب تقريباً غالب المنيو اذا ماكان كله
وماشاءالله مافي طلب حسيت انه سيء او ما استسيغه
كلها لذذيذة
خص نص ايدام الروبيان 🤤❤️❤️❤️
والرز المقلي بالقللللب ❤️❤️❤️❤️
والنودلز ااخخ والله لذيذة 🙁
البيض والبطاطس والبلا بلا كلها لذيذة

الخدمة بطيئة مدري ليش
احسهم مو متهيئين للزحمة كان وقتها زحمة مره
المكان صغيير نقطة
فيه موظف اسمه راشد لابس نظارة شخص مهني وخلوق جداً الله يسعده 👍🏻
المهم تجربة حلوة وعدتها اصلاً وبعيدها بعد🔥

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *