مرحبًا مؤخرًا قاعدة ألاحظ في تعليقات بعض -المتابعين لحسابات تقييمات

مرحبًا مؤخرًا قاعدة ألاحظ في تعليقات بعض -المتابعين لحسابات تقييمات

 

مرحبًا
مؤخرًا قاعدة ألاحظ في تعليقات بعض -المتابعين لحسابات تقييمات المطاعم و الكافيهات- إنها تتسم بانعدام الذوق و الأدب بل و حتى استهزاء بالنعمة وتعالي على الله!
و كل هذا بسبب إنه التقييم كان إما لمطعم جربوه وما ناسبهم و التقييم يقول إنه حلو و جيدأو لطلبات أسعارها غالية وهي في نظرهم ما تستاهلتدخل على تقييم تلقى تعليقات من نوع:
” عطوني نعال بالله أجل ذا بـ١٥”!!
” رزق الهبل على المجانين” ” الله يخلي القرموشي و أبو زيد بلا تخلف”
” ياعمي جبنة كاسات و تميس و بعد ما تخلص الجبنة صب شاهي فالكاسه و خلي فلوسك في جيبك عالم مجنونة” ” أقول يا راعي التقييم تراك بتنشوي في نار جهنم على ذا الكذب أجل الطعم ممتاز و القهوة لذيذة!! أنا مجربها كلها حليب”
” وعععع إيش داااا كلو لغاويص يضحكو عليكم و انتوا تصدقوا و تدفعوا بعدين تقولو وي ليش الأسعار بتزيد!”
و غيرها من التعليقات الكثيييرو عندي كم ملاحظة:
١- كلنا (صاحب المطعم و اللي سوا التقرير و اللي علق عليه) في نعمة عظيمة انحرم منها ناس كثير عندنا الأكل و الشرب و القدرة على شرائهم و القدرة على الاستمتاع فيهم بينما كثير على الأسرة البيضاء غذائهم عبر أنابيب لذلك تعظيم النعمة واجب و احترامها واجب و شكر الله عليها واجب في كل الأديان!
٢- انتقد السعر بأدب ولا تنتقد صاحب التقرير لأنه دفع!! فكل إنسان في الحياة له اهتمامات مختلفة، فيه ناس تدفع ١٠٠٠ على شنطة و غيرها يشوفه جنون! و ناس تدفع ٥٠ على قهوة وغيره ما يقتنع! وناس فلوسها للسفر وناس فلوسها في المكياج و و و كل واحد يختلف عن الثاني
٣- مو شرط اللي راح مطعم و أكل بمبلغ عالي إنه غني أو ما يقدر النعمة اللي هو فيها، يمكن يكون معزوم! تخيل أحد يعزمك أو تعزم أحد و تقوله لا والله قوم المكان غالي ‍♀️٤- فيه ناس تحب تجرب، تستمتع بالتجربة واكتشاف أماكن جديدة، لذلك يكتبون لكم التقرير و يقولون لكم إنه غالي ما راحوا و قالوا awwwh so affordable كلكم لازم تروحوه!!
٥- لمن تكتب التعليق، قبل لا ترسله ارجع أقراه، هل الكلام يسرك لو أنقال لك؟ هل يسرك إنه الناس تعرف إنك إنت اللي كتبته (لأصحاب الأسماء المستعارة)، هل بتكسب منه ذنوب؟ هل الموضوع يستاهل تكسب عشانه ذنوب؟ هل الألفاظ اللي فيه تدل على تربيتك و بيئتك؟ ( نعال ولعن و دعاء ما دعاه السديس على اليهود)!! و وقتها قرر يستاهل ترسله أو لا٦- الموظفين بشر زينا، فلا تستغرب لو تجربتك كانت سيئه وغيرك تجربته كانت جميلة!
٧- التقرير فقط نقل تجربه و معلومات عن المكان و إنت إنسان حر تقدر تقرر إذا تبغى تجربه أو لا!
و بس والله

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *