مجبوس لحم – Kuwaiti Lamb Machbous هو طبق كويتي تقليدي عبارة

مجبوس لحم – Kuwaiti Lamb Machbous هو طبق كويتي تقليدي عبارة

 

مجبوس لحم – Kuwaiti Lamb Machbous
هو طبق كويتي تقليدي عبارة عن رز (عيش)،صلصة بندورة (دقوس طماط)، دجاج او لحمة، حشو(بصل، زبيب، حمص) ومعبوج(فليفة حرة خضرا بتنهرس مع ثوم وخل)اول شي قبل بساعتين من تحضير الأكل حطيت زعفران على تلج وشوي ماء الزهر وترتكتن يدوبوا على رواق
تحضير الحشو:
حطيت كمية كبيرة بصل بمقلاية تيفال من دون زيت مع تقليب مستمر حتى يتكرملوا، بس لزقوا بالكعب زدت شوي مي بس وصلوا للون اللي بدي ياه ضفت زيت وقلبتن ضفت زبيب/كشمش منقوع حوالي نص ساعة بمي وحمص مجروش(نخي) مسلوق مسبقا حوالي ٢٠ دقيقة بهرتن ببهار الحشو(ملح، فلفل اسود، ملعقة صغيرة هيل، م ص قرفة/دارسين،نصف ملعقة لومي مطحون) قلبتن حوالي ٣ دقايق وبالآخر ضفت شوي من الزعفران المنقوع
تحضير اللحم:
موزات غنم حمّرتن بمقلاية حامية بدون زيت بعدين سلقتن بمي مع مطيبات (هيل، قرفة، ورق غار، كبش قرنفل، بهار النجمة، فلفل اسود، جوزة الطيب، بصل، ثوم وملح، بقدونس) بعد السلق شلتن من المرقة، حطيتن بصينية ودهنتن بزبدة ومنقوع الزعفران وولعت النار العلوية بالفرن وحمّرتن بحوالي ١٠ دقايق
تحضير الرز:
رز بسمتي منقوع نصف ساعة قلبته مع شوي زيت وضفتلّو مرقة اللحمة، ملح، فلفل اسود وملعقة كبيرة بهار مشكل لكل كوب رز كوب ونصف مرقة تركتن على نار قوية حتى نشفت المي عالوج وضفت الحشو على جنب واحد حتى ياخد الرز من طعمته وضفت الكمية الباقية من الزعفران وملعقة زبدة غطيت وتركتن حوالي ١٠ دقايق على نار هادية
تحضير دقوس الطماط:
هرست حوالي راس ونصف ثوم، قلبتن مع زيت، حر مجروش، ملح، فلفل اسود ومعجون بندورة وقلبتن منيح ضفت بندورة مطحونة ومي، غطيتن وتركتن يتسبكوا على نار هادية
تحضير المعبوج:
هرست ثوم مع فليفلة خضرا حرة وضفت ٢ م ص خل أبيض، ملح وفلفل
homecooking recipe tips cookingtips foodie foodgram instafood مجبوس دقوس معبوج مجبوس مجبوس لحم مجبوس كويتي كويتي lebanon kuwait q8 الكويت لبنان

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *