لفّينا على بعض محلات اكياس الجمبري ورجعنا لأوّلهم منطقة الجمبري shrimpzone

لفّينا على بعض محلات اكياس الجمبري ورجعنا لأوّلهم منطقة الجمبري shrimpzone

 

لفّينا على بعض محلات اكياس الجمبري ورجعنا لأوّلهم
منطقة الجمبري shrimpzone
فروعهم في صاري والامير سلطان
طلبنا اكياس جمبري بالكيجن، فلفل وليمون، فلفل وردي، بالاضافة ل بلح البحر بالفلفل والليمون، وعلى جنب بطاطس كيجن مع سوفت شيل كراب مقلي ورز
واكيد ما ننسى بيبسي
بشكل عام الاكل لذيذ، الجمبري مطبوخ كويس، حباته كبيرة تقريبا ١٠ حبات، اغلبها تتقشر بسهولة، وكمية الصوص مناسبة، وطبعا معاها حبة ذرة للاخير
اكثر نكهة عجبتني الفلفل الوردي، وبالنسبة ليا افضل كريمة في اكياس جربتها
الليمون بالفلفل طعمه مرة حامض مو خفيف زي باقي المحلات، الناس اللي تحب الحوامض حيعجبهم
الكيجن كويس بس عادي الصراحة، والصوص خفيف
بلح البحر شبه المحار وقريب في الطعم، بس اصغر، وكمية كبيرة وارخص، ومع الليمون رهيب، عجبني اكثر من المحار
السوفت شيل كراب المقلي ميزته انه من غير اي تقشير، زي ماهوا يتغمس ويتاكل، انا اكره التقشير ف ناسبني، بس الطعم عادي
البطاطس بهاراتها كويسة والرز جيد
بس الصراحة، طلبنا بلح البحر مرة ثانية نفس الخلطة وكل شي، ما كان نفس المستوى للاسف
الواحد ياكل كيس مع شوية مقبلات
الجيعان يدعس
سعر كيس الجمبري ٧٢ وبلح البحر ٥٥ اما السوفت شيل ٦٠
الاسعار تعتبر في نفس حدود اغلب المحلات
التغليف الجديد عبارة عن علب بلاستيك مقفلة تغليف حراري، مافي اكياس، والمقلي في علب كرتون، كل شي في كيس ورقي مغلق من المطعم للحماية
طلبنا عن طريق تطبيق تويو ووصلنا بسرعة بس مو حار, موجودين كمان في جاهز ولقمتي
** منطقة الجمبري اسم معروف وممتاز، حبيت الجمبري بالفلفل الوردي اكثر شي، بلح البحر بدل المحار، والطلب من تويو ارخص شي بس لقمتي
افضل في حفظ الحرارة
ونتمنى يكون الطعم دايما نفس الجودة
احد جرب اكياس جمبري من مشروع منزلي قبل كده ؟
اكلك في بيتك جدة مطعم مطاعم توصيل ديليفري اكل جيعان جوعان كريم تويو لقمتي جمبري شرمب زون مصور كريم عيش التجربة
‏ jeddah restaurant delivery food hungry careem careemnow toyou lugmety shrimp

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *