Novel كوفي ومطعم  نوفل بجدة حي السلامة شارع اليمامة 

 Novel كوفي ومطعم  نوفل بجدة حي السلامة شارع اليمامة 

المكان جميل و ديكوره اجمل
طلباتي كانت
Fraud beef burger 10/10 48﷼
Hacking chicken burger 10/10 44﷼
Brisket sandwich 8/10 55﷼
Death raw shrimp 9/10 46﷼
Novel fries 10/10 45﷼

شكرا لمثل هالأماكن اللي تستمر بجودة اطباقها بالاضافة لأنها تتطور افضل في كل مره.. من سنتين زرته والآن جربت اغلب الاطباق وكلها جيدة جدًا .. البيتزا والباستا والبرقر تستحق تطلبونها اما سلطة السيزر كانت عادية .. والخدمه رائعه يشكروونن عليها

قد رحته مرتين يستاهل الزياره الباستا حقتهم مره لذيذه الذ باستا قد ذقتها في مطعم بكل امانه الاسعار تعتبر مرتفعه بس تستاهل عاللذاذه والنظافه ماعندهم طلب مو حلو صدق
المطعم يشغلوا فيه موسيقى ومافي بارتيشن بس الجلسات متباعده عن بعض واشوفها ميزه وخصوصيه اكثر
رحنا عشاء ورحنا غداء كان في عرض طبق رئيسي ومشروب غازي وسلطه ومقبلات ب ٥٢ بس ماعرف باقي موجود او لا
بالنسبه للطلبات:
مقبلات تاكو دجاج مره حلوه
نوفل فرايز لازم لو بتروحوا تجربوه مره يمي قد طلبناه مرتين ولو ماتحبوا البطاطا الحلوه قولوا لهم مايحطوها
برقر سلايدر اظن اسمه ويجي ثلاث براقر دجاج صغار حلو طعمهم والدجاج مقرمشهه تجنن بس صراحه عيبه ناشف مافي صوص هو الوحيد الي ممكن ما اطلبه مره ثانيه

باستا شريمب طلبناها مرتين وصراحه مره مره لذيذه اعطيها ١٠٠/١٠٠ صراحه تستحق التجربه وبقوه مميزه الي يروحه لاتفوته
البيتزا اظن طلبنا الدجاج المشوي ما اتذكر بس كانت مره حلوه برضو ١٠/١٠

طلبنا بريسكت برجر اكتر شي حبيته١٠/١٠ باستا سباغيتي ٨/١٠ موزريلا اصابع٧/١٠ حجمه حلوو بس مليان زيت
جلسات مريحه
مافي بارتشن للي يسأل
جو رايق جميل

جميل المكان فكرته حلوه ..
طلباتنا لليوم ١٤-١٠-٢٠٢١
برجر فرايد ٩/١٠
برجر دجاج كرسبي ٨/١٠
سلايدر ٨/١٠
بيتزا ببروني ٩/١٠
باستا بالجمبري ٥/١٠ الجمبري مو فرش ومو ناجح
كيدز ميل ٧/١٠ الدجاج ماانصح فيه
٣ مويه ٠/١٠ ماانصح فيها ابدا طعمها غيرمستساغ تبدا وانصح بتغييرها ..

المكان مرتب ونظيف و الموظفين شباب اعتقد سعوديين نشيطين و سريعي الخدمه يعطيهم العافيه ،، الاطباق لذيذه بس الملاحظ انها اقل ترتيب و كمية من الصور الموجوده هنا بصفحتهم ، الاسعار نوعا ما معقوله ..

أول تجربة للمطعم.

جيناه الوكيند وكان مزدحم شوية وانتظار.

– طلبنا لازانيا (ما صورتها: كانت لذيذة والكل اتفق عليها)
– طلبنا بيتزا خضار (جيدة ٣/٥)
– فرايز (ما عجبنا)
– قطع الدجاج بالخلطة الكورية (١/٥ سيء)
– مكرونة ألفريدو (٣/٥ جيدة)
– ٢ برجر لحم (جيد جداً (٤/٥)

المطعم عبارة عن دورين. ما فيه مصعد للدور العلوي عشان ذوي الاحتياجات الخاصة.
– الإضاءة خافتة نوعاً ما.
– السعر مرتفع مقارنة بجودة بعض الأطباق.
– كمية الأكل ممتازة.

#مطعم و#مقهى نوفل

عبارة عن دورين
“بدون مصعد”

تصميمه
وخصوصا الدور التاني
كأنه سجن
من ناحية الديكور

زرته مرة وحدة
جلست في الدور التاني
طلبت
برجر لحم نوفل
كان طعم

وباستا جمبري
كان دسمة ب زيادة

بعدين جلست في الدور الاول
وطلبت قهوة
V60 اثيوبي

وتشيزكيك لوتس
كانت طريقة تقديمه حلوة
الايسكريم كان طعم
لكن
نفس التشيزكيك

عندهم دورة مياه في الدور الأول

تجربة جميلة مختلفة عن التجارب الاعتيادية.. الخدمة لطيفة و سريعة، قائمة الطعام متنوعة و طريقة التقديم هي ما يميز المكان.. الطعم لا بأس به، و الأسعار تعتبر مرتفعة قليلاً.. يستحق زيارة لأخرى لتجربة الحلى 😅..

من أقوى مطاعم البرجر في جدة 👌🏻 لذيذ و كلمة لذيذ قليلة في حقه
احلى ثاني شي عندهم بعد الاكل اللذيذ الاضاءه الخافته
مافي شي الذ من شي عندهم كل شي طعم و فنان ♥️

المطعم ممتاز جدا للامانه والجلسات خطيره جدا الاكل مره لذيذ عندهم الباستا بالشرمب مررره خطيرة وعندهم اعتقد فخاذ الدجاج بالبافلو مرررره رهيبه
وفي كمان البرجر لايفوتكم واصابع الموزاريلا

ترا عندهم عرض الوجبه ب ٤٨ او ٥٨ شي زي كذا لاتفوتكم
من ١ الظهر الى ٥ مساء لايفوتكم

طاقم العمل بشوش وابتسامتهم ماتفارقهم
والاخ عبدالرحمن الي بالدور الي فوق مررره لبق ومتعاون جدا وابتسامته ماتفارقه الله يسعده

كافيه ومطعم جدا جميل ورايق
دخلت فيه ككافيه فقط وجربت من عندهم مشروب (ناسي اسمه) كان بالرمان والشاي واضافات اخرى كان مره لذيذ، الحلى متوفر عندهم صنفين جربت واحد منهم اعتقد كان بالتمر بس ماناسبني.
لكن لي زيارة له مرة ثانيه كمطعم للتجربة

المكان عباره عن دورين تحت كوفي
وفي الاعلى عباره عن مطعم
ديكور المطعم جميل وغريب في نفس الوقت
يوجد موسيقى
لايوجد بارتشن
الخدمه جميله
طلباتي كانت كالاتي
فراد برجر لحم جميل جدا وخفيف
برجر هايكنق دجاج فيه صوص باربكيو ٦/١٠
بطاطس نوفل جميل جدا وانصح فيه
ديث راو شرمب حلو ونكهه غريبه

الديكور حلو والجلسات جيدة
الطلبات
بيتزا نص لحم ونص مارجريتا( الحلو انه اقدر اختار نكهتين نص نص حسب الاختيار بنفس السعر ) العجينة جدا لذيذة زي البيتزا الايطالية ، اللحم عجبتني مرا
المارجريتا ماعجبتني الصوص فيها مرا كثير بشكل عام ٨/١٠
باستا الجمبري ٧/١٠
تاكو دجاج ٧/١٠ ( خبز زي الشباتي مايعتبر تاكو )
برجر دجاج ٨/١٠

الخدمة جيدة
مافي مناديل عالطاولات
النظافة ممتازة
المكان هادئ والاغاني رايقة وغير صاخبة

مطعم جميل وفكرته حلوة والجلسات حلوة ومريحة وحبست الاطفال في القفص ههههه
الاستقبال ممتاز
الاكل وصل خلال 9 دقائق
البرجر ممتاز وعجبني اكثر شي
الباستا شرمب حلوة لاباس فيها
البيتزا البيبروني حلو بس كانت بدون جبنة موزاريلا و ذا اساس في البيتزا حاطين شيدر
الفرايز عادي يحتاج الى تحسين
الاسعار يعني مرتفعة شوية مع باقي المنافسين وكمان ما في عروض متجدد لحظتها في المطعم
الله يوفقكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *