كريبس اوف ريبس مطعم لحم رهيب

 كريبس اوف ريبس مطعم لحم رهيب
واللي يقول اعداد الطعام عندهم بأيدي سعودية (ماشفت الا سعودي واحد عندهم) 😅.
.
.
سوء الخدمة بسبب انه هناك شخص واحد فقط(السعودي) هو اللي ياخذ الطلبات ويطلعها وينظف الطاولات اللي كانت فيها طلبات الزباين السابقين وكملت اكثر من نص ساعة ولا احد نظفها
بالرغم من مرور كذا عامل استخدموا الحمام (وانتم بكرامة) الا هو لمن طلع (كان الله في عونه) ولمن جيت استخدم الحمام (وانتم بكرامة) كان يحتاج لتنظيف.
.
نوع اللحم جيد لكن مهو من افضل الانواع زي تجربتي السابقة وكان شوييية قاسي، وشخصيا اول مرة اجرب لحم الاضلاع بالعسل وكانت تجربة لذيذة جداً.
.
توقعت ان صوص الكرز حيكون حالي زي اي صوص كرز ثاني وصدمة الطعم المتغيرة دي ماناسبتني وقد تناسب الاخرين وحجم البرجر وجودته بشكل عام مقابل السعر ومقارنة بالمنافسين يُعتبر عالي.
.
التجربة للاسف غير جيدة ولا اتوقع اني اعيدها اتمنى من المطعم الاهتمام بالزبائن نفس اهتماهم بالاعلانات. 
.
شاركونا تجربتكم لنفس المطعم واعطونا اقتراح تقييم مطعم مختص باللحوم 🥩.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *