فطور فارس – f6or faris أول فرع لسلسة فطور فارس بالمدينة

فطور فارس – f6or faris أول فرع لسلسة فطور فارس بالمدينة

 

فطور فارس – f6or faris
أول فرع لسلسة فطور فارس بالمدينة !
لهم عدة فروع في جدة ومكة والرياض وقريباً فرعهم بالمدينة المنورة وتحديداً في طريق الملك عبد الله
مين جربه قبل ؟

فطور فارس راح يكون أفضل فطور في المدينة ، أنا من حبي لهذا المطعم الأنيق النظيف زرت أغلب فروعه سواءً في جدة أو الرياض وكنت أتمنى يكون له فرع في المدينة ، والحمدلله اليوم تم الافتتاح 😍، المطعم يهتم بأدق التفاصيل والأكل نظيف ولذيذ بمعنى الكلمة وراح يكون خياري الأول أنا والعائلة بدون أي منافس ، عندهم معصوب أبويا خوراااافي وايضا الشكشوكة التونسية والنيزك وكل الاطباق مبدعين فيها، أتمنى مايجي واحد في التعليقات يقول غالي ، ترى ابو رعد فارس التركي تعب فيه جدا وجابلك مكان وأكل وأفكار ماراح تلاقيها في أي مطعم ثاني ، والرخيص موجود مع العلم إن اسعاره في نظري في متناول الجميع . لكن رجاءً لااحد ينتقد نهائيا ، تعال افطر وانبسط وبالعافية وأنا متأكد راح تشكرو فارس التركي على هذا المطعم التحفه ، أخيرا : ترى والله العظيم ماأعرف فارس ولالي فيه أي صله لكن أحب هذا الرجل المحترم الخلوق في الله . وبالتوفيق للجميع، ولاتنسو تستمتعو وتنبسطو بهذا البراند الراقي جدا جدا .

ماشاء الله تبارك الله الأكل مررررة لذيذ ونظيف وخدمة ممتازة صح أول يوم العيد كان في مشكلة في الدخول بس ماشاء الله تدارك الوضع أنا اليوم كنت عندو صراحة جدا منظم وماشاء الله الاقبال كبير والكتاب باين من عنوانوا جدا جدا زحمة لا توقف روح أفطر في مكان تاني . سبحان الله إحباط في التعليقات جزاة الله خير الرجال حاول قدر المستطاع يفتتح في العيد ويكون لنا تجربة جديدة في المدينة وأجواء حلوة الله عز وجل خلق السموات والارض في ستة أيام ، فطيب من فارس إنو أفتتح في وقت قياسي والناس الا تتكلم عنو هل تتوقع إنو فارس أفتتح الفرع هذا بحث عن المادة هل هذا الفرع هوا الا راح يغير مجرى حياتو ماشاء الله الرجال تاجر وشاطر وتجارتوا الله يباركلوا متنوعة ماراح تتغير حياتوا عشان فرع وإن كان يبحث عن المادة فهي أبسط حقوقوا وإنت الله أعطاك عين شفت الزحمة غير محتملة وماتقدر تصبر “تعلم متى ترحل” وأرحل ” يا ناس والله محاسبين يوم الحشر عن التعليقات الا تكتبوها مو حرام أعطية نجمة عشان مفتاح الحمام مو موجود خلية النحل من العمالة مساكين مايوقفوا وبيحاولوا يرضوا جميع الناس ولو كان في تقصير الكمال لله ومليار في المية كل يوم راح تتحسن الخدمة عن اليوم الاقبلوا أكيد شركة فطور فارس تعرف تدير الازمات والتحديات إذا كل مطعم أو براند يفتح في المدينة نستقبلوا بالوحشية هذة في التعليقات ماراح تكون المدينة بيئة خصبة للاستثمار وجلب المستثمرين يوم القيامة راح تنطق يدك بما كتبت صحن الشكشوكة ب ٣٢ أيش المشكلة تعرف كم إيجار المحل تعرف كم تكلفة الرسوم الحكومية تعرف العامل كم يكلف في السنة وراوتب وتأمين طبي وكم كلف ديكور المحل ………إلخ تبغى صحن الشكوشة ٨ ريال روح لمحل ٨ ريال .

أقسم بمن أحل القسم مأعرف الرجال غير في السناب ورجل مكافح بدء من الصفر وأشتغل وأنشأ المطعم ونتمنى نشوف فروعوا فكل العالم ، تحطيم للكوادر السعودية لو مطعم أجنبي كان باع صحن الشكشوكة ب ٥٣ وتدفع وإنت مبسوط وكان غير إسمها من شكوشكة لبيض الاعجوبة مطهو عند درجة ٩٨ درجة مؤية يعلوها طماطم مختارة بعناية من مزارعنا في المريخ وبصل من مزارعنا في جنوب تشيكوسلوفاكيا لكن ولد البلد حرررررام .

التجربه كانت رابع ايام العيد والمحل كان زحمه .

الطلبات كانت :
– معصوب ابويا 10/10
– نيزك 10/10
– حمص 8/10
– شكشوكه تونسيه 8/10
– ليمون نعناع 9/10

الخدمة كانت سريعه رغم الزحمه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *