عودة الاستاد الامير عبدالله الفيصل اللي له ذكريات كثيره المباراة حقيقي

عودة الاستاد الامير عبدالله الفيصل اللي له ذكريات كثيره المباراة حقيقي

 

عودة الاستاد الامير عبدالله الفيصل اللي له ذكريات كثيره
المباراة حقيقي لها قصه…
⭕️ ١٩٨٤ اول مره ادخل الملعب
⭕️ من ذاك الزمن والى الان اي مباراة للاهلي يا اما نفوز او نتعادل!!! هههه والله من ربي كده … ما قد عمري حضرت مباراة وانجلدنا فيها هههههه
⭕️ كل مره اروح مباراة مع الاهلي واقول في نفسي هل هذه المباراة اللي حانجلد فيها في الملعب!!!
هذا الامر خلى يومي من البداية في ارق شديد و حقيقي الدربي الاتحادي الاهلاوي مافي اي معادلة تقدر تعملها … الخوف والارق كان كل تفكيري خصوصا كل شويه يجيني السؤال هذا
انت عارف انه فريقك هذا الموسم ما شاء الله بطل لكن في شي كان في داخلي يجلس يسال هذا السوال الزفت (تعرفوا الشيطان يوسوس فيك “هادي هيا المره اللي حتحضر هزيمتك ياهاهاهاها”
لحظه ما دخلت الملعب افتكرت احب اصدقاء
بيت الجمجوم و النصيف و الرحيمي و الرفه و شكري (لسه يا شباب المكان موجود بكراسي حمرا صار ههههه)
عيني دمعت على زمن جميل قضيته في هذا الملعب منذ الصغر
رجعني ابني لمجد الملاعب و حقيقي متعة انه معايا و يشجع كاني زمان باشجع الاتحاد
المهم… طلسناهم هههه و حظ اوفر يا احب جار و تراها مو زكاة زي ما قالو … النبي قبل الهدية و نقول شكرا على الهدية
ittihadclubsa
الاتحاد جده السعودية

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *