عطر اجار الملكي من حديقة الملوك

عطر اجار الملكي من حديقة الملوك
بتكلم اليوم عن عطر من العيار الثقيل ومكوناته نادرة وجودتها عالية جداً
العطر من من شوبارد من مجموعة gardens of the kings
 
‎ العطر اسمهAgar Royal
اول شيء بتكلم عن المجموعة الي سواها البرتو  موريلاس 😍الي اضاف لكل عطر في هالمجموعة مكون اساسي والي هو العود ! بس مو أي عود هو اميز نوع من انواع العود الي هو العود الصافي 😍طيب وشو عود الصافي؟ هو صمغ عطري يستخلصونه من نوع نادر مره مره من الأشجار الإستوائيه الآسيويه ويقولون انه اجود خلاصات العود الهندي 😁 وبرضو من أغلى واندر زيت من زيوت الأرض وإنتاجه مره صعب ليه ؟ لأن استخلاصه يبي له طولة بال وصبر لأن يحتاج وقت عشان ينضج ويتخمر لمدة تتراوح بين 40 سنه الى 50 سنه😁😁أدري بتقولون وش ذا المبالغه بس فعلاً انتاج زيت العود الصافي صعب جداً عشان كذا تكون اسعار هالنوع من الزيوت اسعار خيالية .
طيب نرجع لعطرنا الفاخر 😂❤️
العطر خشبي زهري  ما ينفع الا في السهرات والشتاء صباح ماينحط منه ولو نقطه 😆
العطر واضحه فيه ريحة العود مع الزهور البيضاء بس على الفكره ريحته مو مثل عطور العود المزعجه والحاده ، هذا اهدى واذا برد يصير احلى واحلى ، لكن تحذير الي مايحبون العطور الثقيله والي فيها عود ترا مراح يناسبكم 😁
طيب نجي لمكوناته :
طبعاً مكونه الرئيسي عود صافي😍
مقدمة العطر الياسمين والبارغموت واليوسفي
قلب العطر البخور ونجيل الهند والباتشولي وخشب الصندل والفلفل الأسود ومسك الروم
قاعدة العطر  عود صافي وبخور
عموماً انصحكم تشمون المجموعة كلها لانها تجنن وماتصدع 😁وكلها تنفع للرجال وللنساء
العطر شريته من برى تقريباً 1200 ريال عام 2019
وتوه الان ينزل عندنا سعرها عندنا تقريباً 1500 وفي المواقع تلقونه ارخص من السوق طبعاً
100 مل
وتركيزه عالي وفواح ومع البخور شيء خورافي 😍
Image.jpeg

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *