صباح الفل والياسمين تقييم اليوم وصلنا من wes w t

صباح الفل والياسمين تقييم اليوم وصلنا من wes w t

 

صباح الفل والياسمين تقييم اليوم وصلنا من wes w t
كشك قهوة بونون
الموقع / له فروع على شكل محلات مثل الموجود في بعض المولات زي الردسي و السلام و عزيز , و له فروع على شكل أكشاك و تكون موجودة عالطرق و الشوارع
تجربتي معاه كانت في وقت الفطور اخذتلي حاجة اكلها بشكل سريع و انا في طريقي للدوام , فطلباتي كانت عبارة عن 2 كرواسون واحد بالجبنة البيضا و الثاني بجبنة تشيدر الصفرا – 8/10 – 12 ريال للاثنين يعني 6 ريال للحبة الوحدة
السعر يعتبر شبه مناسب مقارنة بالحجم و المفروض يكون السعر اقصى شي 4 ريال لكن لما تجي تذوق الطعم حتلاقيه يستاهل انك تزيده ريال كمان , لأنه من اول قضمة حتحس بقرمشة الطبقة الخارجية المرشوش عليها سمسم أو حبة سودا و فجأة لسانك يتدفا بحرارة و طراوة العجينة من جوا و اللي خلت الجبنة البيضا الحادقة و الجبنة الصفرا المليانة يذوبوا بكل حنية و بشكل بسيط
من سلبيات الكرواسون إنه دسم جدا و الزيت واضح عليه من الخارج و دا طبعا بسبب كمية الزبده الكبيرة اللي استخدموها في العجينة و هوا اللي أعطى الكرواسون دي الطراوة الرهيبة , لكن مع كاسة شاهي تدفي حلقك و تبلع لقمتك حيختفي تأثير الزبدة و حيسوي حفلة مع الجبنة البيضا و الصفرا الذايبين في العجبنة الدافية الطرية
==============
حسابي للطبخ تابعوني
dhom bagies2015
dhom bagies2015

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *