صباحكم معطر بذكر الله تقييم اليوم وصلنا من حبيبنا الذويق wes
صباحكم معطر بذكر الله تقييم اليوم وصلنا من حبيبنا الذويق wes w t
مطاعم المعلمي
الموقع / فرع(١):- حي الفيصلية شارع الروضة المتجه شرق بعد ميدان الدراجة فرع(٢):- حي القريات شارع التلفزيون امام الكلية التقنية للاتصالات
بالنسبة لي ما احس اني اكلت فطور الا اذا اكلت كبدة و تقاطيع ، المطعم له خبرة اكثر من ٢٠ عام في الاكلات الشعبية اللي عالصاج ، و الناس تجيه من كل فج عميق ، عشان كذا تشوف عنده زحمة مو طبيعية ابدا و لازم تنتظر عشان تلاقي مكان او تتشارك الطاولة مع اشخاص اخرين و الجميل في المطعم انه الاصناف جدا متنوعة :- كبدة و كبدة جملي و تقاطيع و قلوب و مقلقل و كرشة و عصبان و لسان و الخ ١- كرشة :- ما اكلها لاسباب شخصية ، لكن الوالد الله يحفظه يموت فيها و يعشقها ، طلبها محمرة عالصاج مع الطماطم و الفلفل ٩/١٠
٢- قلوب :- اعشقها لحد الجنون ، لذيذة و هي مقمرة ، طلبتها محمرة زيادة عالصاج مع الطماطم بس ٩٥/١٠
٣- كبدة جملي :- رهيبة جدا و شخصيا اعتبر المعلمي من افضل المحلات اللي اكلت عنده كبدة جملي ، طلبناها محمرة و مقمرة ٩٥/١٠
٤- شوربة كرشة :- ايضا ما اكلها ، و لكن الوالد يحبها جدا ٩/١٠
الأسعار بصراحة لا أذكرها و لكن السعر الاجمالي كان ٣٦ ريال فقط و انا اشوف انه ممتاز جدا مقارنة بالطلبات و كميتها طبعا في البداية يجيبولك خبز شامي أبيض و أسمر و سلطة حارة و ليمون ، و الطلبات احس مافيها تأخير ابدا مقارنة بالزحمة اللي عنده ، لكن لازم تزعق بصوتك عشان يسمعك العامل لأنه بصراحة المطعم ازعاج جدا بسبب اصوات العمال اللي و اصوات الزباين وقت الطلبات و اصوات الاكل عالصاج