شارع الاستقلال في ميدان تقسيم من اكثر الشوارع الحيويه في
شارع الاستقلال في ميدان تقسيم من اكثر الشوارع الحيويه في اسطنبول ، التصوير فالنهار ( بالنسبه لي اجواء الليل احلى )
يتميز بكثرة المحلات والمطاعم و المقاهي والمكان وايد حلو و اجواء مميزه تتمشون واتشوفون ناس اتغني وناس تعزف موسيقى وتتسوقون و تاكلون فيه
من اهم المطاعم المحليه المشهوره عندهم :
-مطعم المدينه
-مطعم السلطان احمد كفتيسي
-مطعم baydoner مختص في اسكندر كباب عنده وايد افرع في كل مناطق تركيا
-مطعم ازمير
كلهم مجربينهم من قبل حلوين و اسعارهم حلوه يستاهلون الزياره
يعتبر الترام الاحمر واحد من اجمل معالم الشارع ، و الي حاب يركب الترام يقدر
متحف الشمع ( Madame tussauds) فيه مجسمات الشخصيات المشهوره والتاريخيه حلو اتقضون جزء من وقتكم فيه
في نقطة مهمه لازم اتحاسبون لها ، الشارع وايد زحمه ف لبسو كمامات ، و من زحمة المكان و كثرة الناس من جميع الجنسيات زايدة عمليات النصب و البوق ف لاتطلعون معاكم مبالغ عوده و حاسبو لشنطكم و اذا احد يوقفكم يبي يكلمكم يفضل ماتعطونه ويه امشو في حالكم احسن ❤️