|ديب اند ديب| صباح الفل والياسمين مقطع فيديو كلو شوكلاته

|ديب اند ديب| صباح الفل والياسمين مقطع فيديو كلو شوكلاته

 

|ديب اند ديب|
صباح الفل والياسمين
مقطع فيديو كلو شوكلاته وصلنا من صديقتنا المبدعة roze0530
تقييمي لكافيه ديب اند ديب الغني عن التعريف
رحت فرع عزيز مول على بعد العِشا و ما كانت في اي مقاعد شاغرة
دخلنا و قلنالو نبى رقم عشان الانتظار قلنا مو لازم و دحين حتجلسوا
فجأه صارت الناس تجي و طوابير و بدؤوا يوزعوا الارقام و سيبونا اخر ناس بالرغم من اننا مستنيين ربع ساعه !
عالعموم حصل خير جلسنا بعد انتظار يقارب النص ساعه
و طلبنا و وصلت طلباتنا بعد ١٥ دقيقه تقريبًا و الطلبات كانت كالآتي:
قهوة فرنسيه و كان كلام اختي انها لزيزة كنكهة قهوة عاديه لكن مافيها اي نكهه فرنسيه و تعطيها ٨/١٠ و سعرها ١٨ ريال و الكوب كبير نوعًا ما
طلبي كان عصير ليمون بالنعناع النكهة كان لزيز نوعًا ما بس ينقصو شوية حموضة و يصير مية مية ،، اعطيلو ٩/١٠ و سعرو ٢٣ ريال
و بعد م روقنا بالعصير و الكوفي و خلصنا
بدينا بالحلى و طلبنا كان مولتن كيك او اللآڤا كيك و هوا عبارة عن كيك مستوي الاطراف و من جوا سايح بمجرد م تقسم الكيكة بالملعقه و تسيح الشوكولاتة من جوا > شرحي للي لسى م يعرف المولتن كيك !
و صراحة و بدون مبالغه كان شي فظيع و ممكن افظع مولتن كيك اكلتو ف حياتي اعطيلو ١٠/١٠ و سعرو ٣٦ ريال
طلبنا الرابع وافل ديب اند ديب كان لزيز مرة و من جد هوا الوافل البلجيكي الاصلي طبعًا يعملوا حركتهم المعتادة و يجي الويتر يرشلكم التشوكلت فوق الوافل قدامكم و هذا الشي اللي ممكن ميّزهم !
تقييمنا ١٠/١٠ و سعرو ٤٢ ريال
٠
تقييمنا لخدمتهم صراحة ٥/١٠ يعني بالرغم من الزحمة مافي الا عامل واحد بس ينظف الطاولات و هذا الشي اللي مو كويس و المكان ضيق مرة و مافي مساحة بين طاولة وطاولة
لكن جودة الحلويات تغطي عالخدمة و تخلي الشخص يطلع و هوا مبسوط
ف يصير تقييمنا للكافيه ك جودة ف النكهة ١٠/١٠
و اكيد حعيد التجربه

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *