|دندن| عشاق الأكل الجاوي وين أفضل مطعم في جدة بالنسبة لك/ي؟؟

|دندن| عشاق الأكل الجاوي وين أفضل مطعم في جدة بالنسبة لك/ي؟؟

 

|دندن|
عشاق الأكل الجاوي وين أفضل مطعم في جدة بالنسبة لك/ي؟؟
تقييم من
dhom bagies2015
طيب ياحبايب بإذن الله حقلكم رأيي الشخصي واللي كانوا معايا
في مطعم دندن مطعم دندن مطعم جميل ذو شعبية عالية جداً ً ولازم تحط في بالك انك
منتا رايح مطعم فايف ستارز فالديكورات شوية
شعبية تقريبا أحسن فرع في الديكورات فرع السلامة
دندن له عدة فروع ولكن الفرع اللي كنّا فيه في حي السلامة شارع عبدالرحمن السديري ابحثوا في جوجل مآب عن اقرب فرع لكم
على العموم نجي للطلبات طلباتنا كانت واحد مشكل كبير ب٣٢﷼
بيجي فيه لحم دندن (اللحم الناشف) ولحم رندن
وخضرروات مشكلة ومكعبات بطاطس نوعين واحدة بالسمبل والثانية مع خضار مقلية وايدام بيض
ودجاج بالكتشب الأسود (صويا صوص)بس للأسف الشديد ماعندهم مكرونة مع المشكل
بالنسبة للنفر الصغير ب٢٥﷼ بدون لحم
وطلبنا واحد ساتي دجاج ب٩ ١كان طعم وطري مهو ناشف ولكن صوص الفول السوداني في مطاعم احسن منه وطلبنا واحد مكرونة جاوية بالدجاج للأسف الشديد كان الدجاج
اللي فيها مزنخ بصراحة سيئة سعرها ١٩﷼
وطلبنا واحد شربة تم يم التايلندية للأسف دون المستوى خفيفة جداً
الجمبري جودته سيئة الفطر معلب وكميته كبيرة جداً سعرها١٩ وطلبنا واحد دجاج بالكتشب صغيرب٢٥ بصراحة
طعم والناس اللي تحب الأكل الآسيوي حيدمنوه
وبكذا أنتهت زيارتنا لمطعم دندن الجاوي أي أستفسار
انا حاضر ♥️ jeddah restaurants أندنوسي

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *