دليل الساحل الجزء الثاني من ضمن التجارب الي عديت بيها في

دليل الساحل الجزء الثاني من ضمن التجارب الي عديت بيها في

 

دليل الساحل الجزء الثاني
من ضمن التجارب الي عديت بيها في الساحل كان مطعم
sedra eg
بصراحة المطعم محتاج ريفيو لوحده المطعم بيقدم كذا حاجة ممتازة من ضمنها البيتزا عشان بيعمل بيتزا ايطالي عظيمة معمولة في فرن حطب هي مش نابليوتانا لكن العجينة كانت هشة و مقرمشة الأطراف مع شوية مكونات من النوع المحترم مع جبنة موتزريلا محترمة و طبعا طبعا ما ينفعش تروحو سيدرا من غير ما تجربو الفراخ البانيه الي علي قديمه شوية فراخ بانيه لونها ذهبي حلو مع تسوية ممتازة مع خلطة بانيه عجب
الأسعار ⭐⭐⭐
التجربة الثانية
ده مطعم او عربية اكل اسمها
mariostruck
ماريوز مجموعة من الشباب عاملين فوود تراك علي البحر مباشرة في مراسي نورث بيتش المنيو بتاعتهم متنوعة من ناحية انهم مركزين اكتر علي الاسماك و بالذات الفينجر فوود يعني ايه يعني هتاكلو قراطيس عظيمة من الجمبري و الكاليماري و السمك الفيليه المتبل الي البردينج بتاعه مش بيفك و معمول عالشعرة في الطعم و القلي و التتبيلة هما كمان علي الرغم من تميزهم ده هما ما اكتفوش بكدة دول زودو اتنين سندوتش برجر معمول بلحمة انجوس وبصراحة هو سندوتش لو جدع ما تلحسش صوابعك وراه و علي كدة راحو عالمين رولز جمبري بالكابوريا و الكافيار ايوة كافيار رول معمول بالزبدة و جمبري جريل و معاه سوريمي الكابوريا و توبينج كافيار اسود جميل اوعو يفوتكم و لازم تختمو بأحلي ايس تي حرفيا في مصر ايس تي بالخوخ و الليمون مش طبيعي انا شخصيا بشرب تلاتة وانا واقف كدة
الأسعار ⭐⭐⭐
اخر تجربة في بوست النهاردة
ده مطعم تاكو ابني حرفيا بيقولي لازم نجربه لازم نجربه قولتله يلا نروح
takosaneg
قومنا روحنا ديبلو تلاتة و يارتني ما روحت
انا لما قولتله تعالي اعملك انا تاكو مكنتش غلطان عارفين ليه ؟؟ عشان انا كان فاضلي تكة واقلع هدومي عشان احاسب !! ليه لييييه ادفع ستامية و تمنين جنيه في اتنين تاكو فيه سلخة فراخ بانيه و جمبري وعليه شوية بصل مخلل و كزبرة خضرا ياعم انا ممكن اغرقك كزبرة خضرا ب اربعة جنيه ونص و لما قولت ايه ده عنده سوشي طب هات رول خدت رول عبارة عن ذرة و خس و بجنيه و نص سلمون بس كدة كان نفسي ارويهولكم بس خلاص مافيش مكان في الصور بس هحطه في الاستوري طيب الطعم ايه بقي !! اكيد وهمي جاي من الفضاء الخارجي الطعم عادي جدا حتي مالك كان مبسوط بس قلي هو عادي طب في ايه هو الحقيقة مافيش هي موضة بس وسوشيال ميديا و خلاص و شباب صغير بيعمل من الحبة قُبة بس هو لما ظبطش نفسه مش هيعرف يكمل
الأسعار بتعرف تعد نجوم لحد كام
ريفيو بهاريز صلاح ملاك اللحمة

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *