دليل الساحل الجزء الاول طبعا الريفوهات دي هتزعل ناس و هتبسط

دليل الساحل الجزء الاول طبعا الريفوهات دي هتزعل ناس و هتبسط

 

دليل الساحل الجزء الاول
طبعا الريفوهات دي هتزعل ناس و هتبسط ناس تانية بس مش مشكلة بقي انا بقالي هنا شهرين بحكم شغلي فا انا لفيت كتير بصراحة
طبعا انا مش هينفع انزل مكرونيتا هنا و اقول اجمد مكرونة في مصر و الساحل و الكلام ده عشان هيبقي تطبيل للبراند الي انا عامله بس هو بصراحة احنا قلبنا الساحل السنة دي بفضل الله بشهادة الكل
المهم نبتدي بالبراند الاول
maineegypt
ماين بيعمل سندوتشات برجر انجوس و رولز و تقريبا هو اول واحد عمل الرولز في مصر جمبري بالزبدة و صوابع الكابوريا بس عظمة العظمة عنده شوية سندوتشات برجر بصراحة مكسرة الدنيا سواء في القاهرة او الساحل لازم تجربو الهاش بابيز عنده و كل المليك شياك عشان هو خد الحاجات دي و طلع لمستوي تاني محدش بيلعب معاه فيها
ماين موجود في تلال
الأسعار ⭐⭐⭐
الثاني
bigdaddyeg
بيج دادي شهادتي فيه مجروحة عشان الي عاملة المنيو شيف صديقة والفكرة عموما برضو ناس بحبهم بس انا هقول الحق وش
بيج دادي بيقدم سندوتشات بيض بأشكالها و سندوتشات برجر اغلب سندوتشات البيض كانت مش طبيعية طبعا انتو اكيد عارفين ان الشيف الشاطر الي بيعرف يعمل بيض صح تشكيلة السندوتشات عنده عظيمة عنده سندوتش برجر معمول بالجبنة الجيرير مش طبيعي
عيبه الوحيد انه موجود في اوحش حتة في الساحل الشرير الي هي هاسيندا ريد فا لازم يبعتولك كيو ار كود عشان تدخل بيه
الاسعار ⭐⭐⭐
المطعم الثالث
7agogah
حجوجة عمل فطار بس كدة مش هتكلم كتير بيفتح من خمسة الصبح لحد اتنين الظهر مكان حجوجة في وش مراسي لو مفطرتش هناك يبقي انت مفطرتش قبل كدة و اقسم بالله حجوجة مش بتاعي و اه لازم تطلبو طبق الجبنة بالطاطم الي انا حاطط صورته ده
الأسعار ⭐⭐
heartattackeg
انا هاسبكم مع الفيديو عشان ده كفاية انه يقلب بطنكم موجود في سكاي كورت قدام امواج
الأسعار ⭐⭐
الاخير العظيم
morisushi
موري لما لقي كل محلات السوشي في مصر ناقلة منه المنيو بالحرف الواحد راح عامل منيو جديدة خالص شكلا و موضوعا فيها حاجات حرفيا وهمية سواء تقديم او طعم حاولت احفظ اساميهم بس انسي ولا الهوا بس برضو للاسف فوت منهم كام طبق مكنوش احسن حاجة فيه النقطة بقي هنا انهم بيسمعو الكلام لدرجة اني بقوله طيب هتعمل ايه ؟؟ قلي هاشيله من المنيو !! قولتله هتشيله من المنيو عشان قولتلك قلي اه !!!! فا انتو متخيلين مدي اهتمامه بالعملاء بتوعه فعشان كدة مهما الناس تقول عليه انا بحبه و بحب نظافته
موري موجود في لايك يارد سيدي عبد الرحمن
الأسعار ⭐⭐⭐⭐
ريفيو ملاك اللحمة بهاريز صلاح

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *