تقيييم اليوم وصلنا من صديقتنا الدائمة ishazii تقييم لمطعم بياتو الايطالي

تقيييم اليوم وصلنا من صديقتنا الدائمة ishazii تقييم لمطعم بياتو الايطالي

 

تقيييم اليوم وصلنا من صديقتنا الدائمة ishazii
تقييم لمطعم بياتو الايطالي piattoksa
الموقع طريق الملك بجانب ستارز اڤينيو
من اجمل و الذ المطاعم الايطالية في جده ان لم يكن افضلها
الديكور والجو العام راقي احس اني في ڤينيسيا ، بارتيشن للعوائل ( اختياري)
الخدمة جيدة ، الطعم لذيذ ،
الأكل طازج الضيافه كريمة جدا من ضيافتهم يقدموا خبز محمر بالثوم لذيذ جدا و سلطه مجانا
الويترز فلبينو لطفاء و بشوشين ( انا احب العماله الفلبينيه جدا جدا جدا ) بس يتأخروا شويا لأنه دائما زحمه
و احلى شي إنه عندهم اعادة تعبئه للمشروبات الغازية
الاسعار تعتبر بين المتوسط و المرتفعه تتراوح بين ( 50 – 75 ) ريال
انصحكم بتجربة الفيتوتشيني
بيتزا البيبروني
و في طبق ماني فاكره اسمو بس هوا عباره عن اصابع جبنة الموزاريلا لذيذ جدا
في مره طلبت فيليه سمك و للاسف ندمت جدا جدا جدا مو مبهر مزبوط و لا فيه اي نكهه فماراح اطلبو تاني
التقييم :
جودة الطعام ١٠/١٠
كمية الطعام ١٠/١٠
مستوى الخدمه ٧/١٠
الديكور و الجو العام ٩/١٠
النظافه ١٠/١٠
الاسعار ٧/١٠
جربتو مرتين و في المرتين كنت راضيه تمام الرضا و افكر اروح ثالث و رابع مره كمان واجرب اطباق جديده
اتمنى يكون التقييم عجبكم و شكرا لكم ❤️

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *