تقييم جميل ومفصل وصلنا من ahmadssb تقييم مطعم سماش برجر smashburger

تقييم جميل ومفصل وصلنا من ahmadssb تقييم مطعم سماش برجر smashburger

 

تقييم جميل ومفصل وصلنا من ahmadssb
تقييم مطعم سماش برجر smashburger ksa (الترجمة همبرجر الفعصة ) في مكة
هذه أول تجربة مطعم لي في مكة وطبعاً اول برجر أجربه هنا يا أهل مكة بغيت اقتراحاتكم للمطاعم عندكم وخصوصاً البرجر الله يرضى عليكم
نرجع لبرجر الفعصة هذا البرجر عالمي ومشهور جدا بأمريكا وعليه صجة كبيرة بالخارج
أما في السعودية وبحسب موقعهم الأمريكي لهم فروع فقط في الدمام والرياض و مكة (مدري اذا له فرع في جدة)
السر يكمن في الفعصة (بحسب وصفهم وترجمتي المتواضعة ) :
باستخدام كمية اللحم المناسبة والحديدة (smasher) اللي يضغط بها اللحمة (لمدة 10 ثواني فقط) فالطبقة السفلى من اللحمة تصبح كرسبي (مقرمشة) و حرارة الصاج (pushes the juices up not out) يعني الدهون تبقى في اللحمة مو لحمة ناشفة، يليها بعد ذلك مباشرة رشة من البهارات
والخبز رهيب عجزت أحلل كيف مسويينه لمن تأكله تشوفه من جوة كأنه طبقات شرائح (مالك في الوصف كنت جيعان ) المهم جرب تحلله وانت تأكله
و الخس والطماطم والمخلل طازجة ونطيفة
كان من ضمن الطلب 3 قطع محشية جبنة مدري اش اسمها (حسب الفاتورة اسمها Bites) مافيها شي مميز غير أنها ملياااااااااانة جبن لا تغلط تأكلها بالبداية مع البيبسي عشان ما تشبع سريع (تعلم من الخبرة ) عموماً باختصار شديد جداً البرجر سعره مو غالي ولا متوسط (ما بين) والطعم ممتاز ويستاهل التجربة والخبز حقهم ممتاز جداً (لكن لو في جدة في غيره كثير للأسف الشديد أغلى لكن أفضل منه بمراحل، ولكن في نفس الوقت أفضل من سنشري بمراحل كثيرة) تقدر تقول هو التوب بحسب تجربتي لفئة السعر فوق المتوسط
ولكن (فقط لفرع مكة أبراج البيت) توبة اني اروحلكم مرة ثانية إلا إذا اني رايح عمرة أو حج (او أنكم توصلون للعمل قبل ما يخلص دوامي ) أهم شي مو انا اللي أسوق واضمن رجعتي لجدة
موقعكم لسكان مكة بعيد عن الحرم المكي جدا تعبان (ما ادري عن شوارع مكة، هل في طريق مختصر للابراج بدون زحمة؟ أو مكان قريب أوقف فيه السيارة؟ )
عموماً اللي صار معاي نصف ساعة بس عشان ادخل لمواقف البرج ونص ساعة ثانية عشان أخرج من منطقة الحرم (والمعتمرين الله يتقبل عمرتهم وحجهم وخصوصاً الكبار في السن ماشيين في نص الشارع زي الحلزونة مالك الا انك تنتظره يزحف عشان تعدي ) الطلبات – وجبة برجر لحمة مضغوط كلاسيكي 36 ريال (مع بطاطس و مشروب بارد) – 3 قطع جبن المقلية (Bites) 4 ريال
– برجر برجر لحمة مضغوطة سعودية 32 ريال
غير 15 ريال (للساعة أو جزء منها) قيمة مواقف السيارات تحت البرج أسماء الطلبات كما هو مكتوب في الفاتورة

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *