تقييم جميل وصلنا من dreams of flowers صباااح الورد لاحلى جداويين

تقييم جميل وصلنا من dreams of flowers صباااح الورد لاحلى جداويين

 

تقييم جميل وصلنا من dreams of flowers
صباااح الورد لاحلى جداويين وصباحكم اليوم حلى اليوم باذن الله راح يكون تقيمي لأحد أنواع الحلى الي هوا (( الماكرون )) لعشاق الماكرون اليوم سبحان الله كنت رايحة لجوديفا ولقيته قافل بتعليمات من ادارة المحل والأهم شفت محل جنبه أول مره أنا اطلب منه الي هوا (( بيير إرميه )) متخصص في الماكرون وأنواع الشوكولاته * طبعا موقعه لايخفى عن الجميع بما انه جنب جوديفا التحليه ( روشانه التحلية ) *المحل راقي جدا ومرتب وبمجرد مادخلت المحل سألنا
اذا كنا قد جربناه او لا او نعرف او حتى سمعنا عنه وبكل أمانه مني أقيم العامل لاقوة الا بالله 100 من 10
لو عندي بزنس كان جبته عندي يشتغل
المهم اعطانا نبذه عن المحل بشكل أنيق ومختصر وجذابوالمحل معروف عالميا بس في جده للمرة الأولى *طبعا الماكرون عندهم صناعة يدوية وعندهم 20 نكهة للماكرون، معروضه عندكم فوق في الصورة * كان طلبنا 3 أنواع من الماكرون – الاول كان بنكهة الورد وبتائل الورد كان جدا لزيز بالنسبة لي 95من10 – الثاني كان بنكهة يوغورت مع التوت والورد والليتشيه كان فيه حموضه شويا لانه لما عرف لنا هوا قالنا مع اللبن والتوت طبعا فيه قطع توت صغار لزيز كمان تقيمي له 85 من 10 – النكهة الثالثة كانت باشن فروت، راوند وفراولة كان كمان لزيز 85 من 10
سعر الواحد 13 ريال بس حبيته مرره
وعندهم تقدر تاخد بالحبه وتقدر تاخد اعداد هما محددينها في علب انيقة
ولما خرجنا باسلوب العامل اللطيف الأخلاق فتح لنا الباب فيارب يبارك له في رزقهوبس وبالعافية علينا وفي الآخر لولا اختلاف الأذواق لبارت السلع

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *