تقييم اليوم وصلنا من miss ashash مطعم يونين اللبناني الموقع: طريق

تقييم اليوم وصلنا من miss ashash مطعم يونين اللبناني الموقع: طريق

 

تقييم اليوم وصلنا من miss ashash
مطعم يونين اللبناني
الموقع: طريق الملك عبدالعزيز شمالا” بعد ستارز افينيو وسلسلة المطاعم ستيك هاوس وبياتوموجود في مبنى بونقليفا الدور الثاني<~ان شاء الله اكون كتبت الاسم صح والوصف سهل في البدايه كان الذهاب للمطعم بإقتراح من شخصي الكريم ومجرد اقتراح والحمدلله كان اختياري في محله أول شي دخلنا وكان صوت فيروز يجذبنا للمكان بديكوره الجميل♡ قدمو لنا ضيافه عباره عن زعتر بزيت زيتون ولبنه حامضه مع صحن كبير فيه خضار مشكله وخبز حار شي مره ألييييمطبعا صحن الخضار كنت ناويه اطلبهم سكين عشان اقطعها ﻷنها كانت مثل ماهي بشكلها الطبيعي الطلبات لثلاث أشخاص كانت: ♢محمرة يونين بالجوز وللي يحبون المحمره على أصولها راح يستمتعون بهذا الطبق اللذيذينأكل بالشوكه من لذته ♢فتة حمص بالباذنجان لﻷمانه ماذقت أي محل مضبط هالطبق مثلهمماشاء الله عليهم فعلا جميل ومافيه أي عيب ♢صفيحه بعلبكيه جتنا عباره عن خمس قطع ومن طعامتها كنت أتمنى زيادهأخذني الطعم لصفايح الشام وبرضو قد ماذقت صفايح ماذقت ألذ من هذا المطعم اللي ذكرني بصفايح ابو العز في دمشق ♢مشاوي مشكله عباره عن قطعتين كباب وأوصال لحم وشيش طاووق أشوف السعر مرتفع بالنسبه للكميهكان الدجاج يذوب في الفم لكن اللحمه مدهنه جدا وجلست أختي تقارنها بالمطعم الحلبي اللي تشوفه ألذ بس بالنسبه لي وﻷمي ناسبتنا جداوماأنسى الثوم اللي كان جانبي وتحس بقطع الثوم يمي يم والخبز اللي على اﻷطراف ♢آخر شي طلبنا علبة سفن وعلبة ببسي جاب لنا اكواب فيها ثلج مجروش وفتح لنا العلب وصب المشروبات واعجبني ان الثلج مجروش حسيت المشروب باااااارد لﻷمانه ماقيمت مطعم قبل كذا بس هذا الحساب شدني وحبيت أشارككم بمطعم ماقيمتوه من قبل كنوع من التجديد وراح أكون منصفه بحكم خبرتي في كثيييير من مطاعم جده النظافه 10/10 كل شي نظيف ومرتب حتى دورات المياه تعامل الويترز 20/10 بشوشين جدا من أول مادخلنا لحد ماخرجنا نكهة اﻷطباق 9/10 بحكم اني ماجربت غير أطباق بسيطه وبحكم إن فيه اعتراض على مشاوي اللحم اﻷسعار 7/10 اللي طلبناها أسعارها معقوله عدا المشاويوبقية الاصناف برضو مرتفعه نوعا ما في الختام أنصح بزيارته والاستمتاع باﻷكل اللبناني بحذافيره مع صوت فيروز الصادح وراح أكرر الزياره بكل تأكيد

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *