تقييم اليوم وصلنا من صديقتنا الدائمة raghad almadani تقييم الدوار المصري
تقييم اليوم وصلنا من صديقتنا الدائمة raghad almadani تقييم الدوار المصري فرع ردسي مول الدور الثالث بجانب صالة الالعاب
الطلب: ووق عنب بالكوارع ب49 ريال
تقييمه: ١٠/١٠ وما كان فيه طعم الكوارع ابدا للي م يحبوها
٢-ملوخيه مع الدجاج ب٣٩ ريال
تقييمه:٩/١٠ م حسيت طعمها يستاهل ال١٠ بس م فيها شي مو كويس او طعم مو حلو
٣-رز بالشعيريه ب١٦ ريال
تقييمه:٩/١٠ الرز ممتاز ومطبوخ كويس ولكن قليل م يكفي غير تقريبا شخصين
٤-الحواوشي ب٤٢ ريال
تقييمه:١٠/١٠يقدم مع البطاطس ايضا والطرشي العيش ممتاز ومو قاسي وانصح كل اللي يروحوا المطعم ياكلوا منه جدا ممتاز
٥-عصير برتقال ب١٨ ريال
التقييم:١٠/١٠ ويقدم بارد ومن غير ثلج وطعم البرتقال مركز مو زي بعض المطاعم يخففوه بمويه
٦-سفن اب ب٩ ريال
التقييم:مافيه شي يتقيم والسعر مو مبالغ فيه نفس المحلات الباقيه
الحساب كله:١٧٣ ريال
تقييم المطعم العام:
النظافه:١٠/١٠ اول م يقوموا الزباين من الطاوله ينظفوا ع طول،
الخدمه الويتريه:١٠/١٠ ويكونوا مبتسمين بوجه الزباين واول م تحتاجيهم بتلقيهم يجو ع طول م يتاخروا ابدا وكلهم مصاريه حق تقديم الاكل مافيه الا كم واحد فلبيني حق النظافه
المطعم بشكل عام:ممتاز وعليه زحمه وانتظار واللي م يحبوا الانتظار انصحهم يجو من الظهر لاني رحت من الظهر وكان فاضي وايضا فيه قسمين للعوائل والافراد وهذا احلى شي ،قسم الافراد مو زحمه مره
وشكرا حياكم الله في حسابي للطبخ
dhom bagies2015
dhom bagies2015