تقييم اليوم وصلنا من حبيبنا wes w t مطعم رمسيس –

تقييم اليوم وصلنا من حبيبنا wes w t مطعم رمسيس –

 

تقييم اليوم وصلنا من حبيبنا wes w t
مطعم رمسيس – أبو شقرة سابقا الموقع :- جدة – فرع سكاي سنتر – طريق المدينة الطالع – بجوار مركز زيبارت للتظليل
يومنا مصري مع رمسيس المصري و روعة الاكل المصري شخصيا هاذي أول تجربة لي في مطعم رمسيس ، و ذلك بعد ما سمعت الأغلبية تمدحه في جودة أكله و روعته
بصراحة و لا أخفيكم و اعتمادا على ذوقي الشخصي ، عشت الأجواء المصرية من جد مع أكلهم الرائع اللي يحسسك كأنه أكل بيتي مصري للغاية
الطلبات :-
– طرب :- ٩٥/١٠ ٤٨ ريال ، عبارة عن لحم مفروم ملفوف بمنديل الخروف او غشاء المعدة على ما اعتقد اسم على مسمى ، من اول لقمة و حاسس في فمي طرب و حفلة من لذته و ما راح يعجب اللي يكره الدهون المشبعة في الاكل – ريش :- ٩/١٠ ٦٠ ريال ، جدا ممتازة و طرية و فيها تتبيلة لذيذة عيبها سعرها المرتفع مقارنة بالكمية – حمام محشي :- ٨/١٠ ٤٢ ريال ، حسيته عادي مافي شي مميز و لكن يعتبر الطلب جيد جدا و عيبه سعره المرتفع – محاشي :- ٨٥/١٠ ٢٨ ريال ، لذيذة و ممتازة و متنوعة من طماطم و فلفل رومي و كوسة و باذنجان اسود و الحشوة ممتازة – ٢ ملوخية سادة :- ٩٥/١٠ ٣٨ ريال ، رااائعة و ممتازة و تدخلك جو البيت المصري الاصيل و اللي يميزها سماكتها و تماسكها – طاجن مسقعة باللحم :- ٨٥/١٠ ٣٩ ريال ، لذيذة و مليانة باللحم المفروم و الباذنجان الاسود و لكن يعيب الطلب كثرة الزيت و سعره المرتفع- اسباجيتي بولونيز :- ٧/١٠ ٢٩ ريال ، جدا جدا عادية مافيها اي شي مميز و حتى الصلصة عادية جدا – مكرونة بالباشميل :- ٩/١٠ ٢٩ ريال ، ممتازة و رائعة و لذيذة و غنية بالبشاميل و المكرونة في نفس الوقت و لكن شخصيا اعتقد يحتاجلها بعض البهارات المعينة لاضفاء قوة في الطعم – ورق عنب ساخن :- ٩/١٠ ٢٠ ريال ، ممتاز و لذيذ و طري و الكمية جيدة و لكن اعتقد في انه يحتاج الى الليمون او بعض الملح لاعطاءه طعم قوي – رز بالشعيرية :- ٩/١٠ ١٥ ريال ، ممتاز و لذيذ و رائع و مطبوخ عالطريقة المصرية اللذيذة – مقبلات تشتمل على :- محمرة و حمص و متبل و بابا غنوج و تبولة ٩٥/١٠ ١٥ ريال لكل صنف ، جدا ممتازة و رااائعة و خاصة لما تاكلها مع العيش المصري اللي يقدمه المطعم حار – مياه كبيرة و ٣ بيبسي و عصير برتقال طبيعي
الحساب كامل ٤٨٣ ريال و الطلبات كانت لسبعة اشخاص ، لذلك كمية الطلبات و عددها كانت جدا مناسبة لعدد الاشخاص ، و اما السعر يعتبر مرتفع نوعا ما بسبب زيادة اسعار بعض الاصناف عن حدها الطبيعي المعروف

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *