تقييم أصناف مقهى أورتو كافيه ♥️ طلباتنا كانت / كريب بالنوتيلا

تقييم أصناف مقهى أورتو كافيه ♥️ طلباتنا كانت / كريب بالنوتيلا

 

تقييم أصناف مقهى أورتو كافيه ♥️
طلباتنا كانت /
كريب بالنوتيلا والفواكه جدا جدا جدا لذيذ ألذ كريب ذقتو بحياتي طري مرا حار وخفيف مايغث أستمتعت بكل قطعه منو وأنا آكل وكميتو مرا حلوه
ب 20 ريال
طلبت كمانا
بسبوسة أورتو بالقشطه تنفع لبتوع الدايت
حلاها مرا خفيف وناشفه شوي بس لذيذه كمانا أتمنى يزودوا حلاها ويخلوها طريه أكثر ب 11 ريال
طلبت كمانا
قهوه تركي بالحليب والهيل للأسف لاتمت للقهوه التركيه بصله
مرا خفيفه كأنو أشرب مويا و حليب
ب 9 ريال
طلبت كمانا معجنات بالجبنه قطعه وحده ب 6 ريال تقريبا
للأمانه ماجربتها أكلها أبو البنات مرا حبها يقول قطنيه ولذيذه مع الشاي☕️
طلبنا شاي تركي الكوب ب 4 ريال ماجربتو بس عجبو مرا طلب كوب ثاني وخلوه ضيافه منهم رفضوا يضيفوه للفاتوره ♥️
طلبت كمانا ثلاثه كاسات ميلك شيك أوريو للبنات مرا لذيذ جربتو موزون صح
الثلاثه كاسات كانت ب 42 ريال
جلسات عوائل بالدور الثاني مطله ع الشارع
فيه موسيقى كلاسيك
حاطين أستاند يبعوا أنواع الشاي بالرمان والنعناع وكل انواع الشاي التركيه وشغلات ثانيه م اهتميت ودققت فيهم
الجلسات ببارتيشن
جلسات الشباب تحت وحاطين طاولات وكراسي بالشارع للشباب مرا جميله الجلسه الخارجيه
المقهى حلو للناس اللي محتاجه تروق وتهدى
وخيار جدا مناسب للفطور والعشاء الخفيف
لإنو عندهم تشكيله كبيره من المخبوزات والشاي
يستحق الزياره ومستعده أكررها كمانا ♥️
الأسعار مرا حلوه فاتورتنا كانت تقريبا 97 ريال شامل الضريبه
لفوا الألبوم يسار إذا حابين
حساب المقهى
artucafe1

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *