تقييمنا اليوم لمطعم اتوقع اغلب الناس جابته البيت قبل كده، خاصة

تقييمنا اليوم لمطعم اتوقع اغلب الناس جابته البيت قبل كده، خاصة

 

تقييمنا اليوم لمطعم اتوقع اغلب الناس جابته البيت قبل كده، خاصة لما تقرر انها تخفف في الاكل
بوقا boga sa
مطعم فكرته مبنية على اكل صحي أو أكل نظيف، ساندوتشات وسلطات وعصيرات، اشياءهم طازجة ودا اكثر شي يميزهم
طلبنا دجاج بيستو، جمبري جيني، سلطة سمبريرو، مع وجبة اطفال دجاج وعصير
الدجاج البيستو هوا اشهر طلب دجاج، شرائح دجاج مع خس وطماطم وصوص بيستو، طعمه لذيذ والاغلب يحبوه، الصوص قليل
الجمبري يكون مع الجرجير وصوص خاص، عدد حبات الجمبري قليل وبالتالي تحس الساندوتش فاضي شوية، الصوص لذيذ وفيه حرارة خفيفة، لكن برضو كميته قليلة
سلطة السمبريرو في رايي هيا الذ سلطة عندهم، خس وطماطم مع فاصوليا سودا وذرة وفوقها شوية حاجات تقرمش مع صوص رهيب، دايما نطلبها
سبب اختيار وجبة الاطفال بس عشان الحجم اصغر ويجي معاها عصير تفاح، الساندوتش بدون خضار، دجاج وجبنة ومايونيز، اتوقع ممكن الواحد يطلب اضافة خس وطماطم
يستخدمو دايما عيش فرنسي في ساندوتشاتهم ف يكون شوية ناشف من برا لكن طري من جوا
العصيرات اخذنا تفاح وليمون بالنعناع، كلها فريش، منعشة ولذيذة
المفروض يرسلو فشار بس ما وصلنا
الواحد ياكل ساندوتش وممكن سلطة صغيرة معاه
الجيعان يدعس
الاكل محطوط في علب كرتون مخصصة، جودتها عالية، وحتى لو الصوص كثير ما يعدم العلبة، الاكل يعتبر اغلبه ساندوتشات باردة ف با تشيلو هم حفظ الحرارة مع التوصيل
طلبنا عن طريق تطبيق تويو، وحاليا يعتبر الارخص في التوصيل ب سعر ٩ ريال، وصل الاكل في خلال ٤٥ دقيقة، ودحين كريم عاملين توصيل مجاني فوق ال٦٥ ريال
** بوقا اختيار جيد انه يجي البيت خاصة لو ما حتاكلو على طول، السلطة ممتازة، الطلب من تويو او كريم، اكتبولهم في الكومنت يزودو الصوص او ادفعو صوص زيادة
ايش السلطة اللي تحبوها من بوقا ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو وصل ساندوتش
‏ jeddah restaurant delivery food hungry careem careemnow hungerstation toyou wssel burger sandwich fresh

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *