تقرير لذيذ من المبدع ge3an من محلات الشاورما الجديدة المبتكرة

تقرير لذيذ من المبدع ge3an من محلات الشاورما الجديدة المبتكرة

 

تقرير لذيذ من المبدع
ge3an
من محلات الشاورما الجديدة المبتكرة
مكانهم في الزهراء شارع احمد العطاس
طلبنا بارتي بوكس مشكل يجي ٤ ساندوتشات مع بطاطس و ٣صوصات
اللي يميزهم ان الشاورما في رول بريوش، طري ولذيذ، شوية فيه دسامة مقارنة بالشامي، لكن مو مرة دسم
الحشوة كويسة لكن الصوصات والمخلل والخضار قليل لانها من فوق بس، يعني لازم تجيبو صوص للتغميس
دجاج كلاسيك، طعمه كويس مافيه زيت كثير، ثوم ومخلل
دجاج كربوج، مع خضار وصوص افوكادو وتشدر، جوسي اكثر والنكهة اقوى، الذ من الكلاسيك
شيش طاووق، نفس حشوة الكلاسيك، عادي
لحم كلاسيك، مع طحينة وبصل، اللحم نظيف والطعم جيد
بالنسبة للصوصات عندهم تنوع كبير
جربنا مايونيز بالثوم والليمون، لذيذ
الهاني ماسترد جيد بس سبايسي
والتشيدر عادي للناس اللي تحب جبن
ساندوتش واحد احتمال ما يكفي
الجيعان يدعس
السعر مقارنة بالشاورما العادية يعتبر مرتفع، البوكس المشكل ب ٩٥ ريال، الرول الواحد في حدود ٢٠
والبوكس يعتبر اغلى شوية من الطلبات المنفصلة، منطق غريب
الطلب يجي بوكس مرتب مناسب للتقديم مغلق من المطعم للحماية
طلبنا كان من تطبيق جاهز، وصل بسرعة وحار
موجودين كمان في كريم وتويو وشيفز
اتواصلنا مع المطعم عالواتساب لتأكيد وتعديل الطلب وكانو سريعين ومتعاونين
** كتجربة شاورما مختلفة كانت جيدة الصراحة، اكثر شي ناسبنا دجاج كربوج، بس بشكل عام كله كويس، الطاووق مرة عادي
بس طبعًا ما حيكون اختيار دائم للشاورما بسبب السعر، انصحكم تجربوه وتحكمو بنفسكم، لا تطلبو بوكس، والطلب من التطبيق اللي يناسبكم كله تقريبا نفس السعر
مين جرب كربوج ؟ واللي ما جرب هل اتحمس للتجربة ؟
اكلك في بيتك جدة مطعم مطاعم توصيل ديليفري اكل جيعان جوعان كريم هنجرستيشن ذا شفز بطاطس دجاج شاورما لحم
‏ jeddah restaurant delivery food hungry careem the chefz chicken fries beef

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *