|تشاو قيو| تقييم جميل وصلنا من حبيبنا abbasinho بعد غياب دام

|تشاو قيو| تقييم جميل وصلنا من حبيبنا abbasinho بعد غياب دام

 

|تشاو قيو|
تقييم جميل وصلنا من حبيبنا
abbasinho
بعد غياب دام شهر عن التقارير
رجعت لكم بتقرير جديد عن أحد مطاعم جدة الجديدة
اسم المطعم
تشاو قيو
عنوان المطعم
شارع صاري وانت داخل من طريق الملك تعدي قرية العمودية تدخل خدمات يجيك على يدك اليمين بعد صالون عناية
مطعم تشاو قيو من المطاعم الجديدة في جدة واللي تقدم الأكل على الطريقة الصينية والإيطالية في علب مصنوعة من الورق
كنت في زيارة خاطفة لهم وبيني وبينكم دايماً كنت أشوف لوحتهم و أنا في طريق الدوام بس ما فكرت أجربهم
دخلت و جربت وكانت تجربتي كالآتي
يعطوك المنيو تختار طلبك بنفسك
يعني تقدر كل يوم تاكل أكلة جديدة من ابتكارك
عندهم ٥ خطوات لاختيار وجبتك المفضلة
الخطوة الأولى
تختار الطبق اللي تبغاه من بين ٧ أطباق وكان الاختيار
نودلز الأودون ( وهي عبارة عن معكرونة مصنوعة من الدقيق مع الماء المالح )
قيمة الخطوة الأولى : ٨ ريال
الخطوة الثانية
تختار إضافاتك من الخضروات اللي تبغاها مع طلبك
وأنا اخترت ذرة صغيرة و جزر
قيمة الخطوة الثانية : ٦ ريال
الخطوة الثالثة
تختار البروتين المناسب لك سواء لحم أو جمبري أو دجاج
بالنسبة لي كان الاختيار لـِ شرائح اللحم واخترت من الإضافات المميزة جبنة البارميزان عشان النكهة
قيمة الخطوة الثالثة : ١٢ ريال للبروتين و ٣ ريال للإضافة المميزة الخطوة الرابعة
تختار الصوص اللي تبغاه ينطبخ لوجبتك وهنا اللعبة كلها واللي تحدد طلبك إن كان صيني أو إيطالي و أنا اخترت صلصة الترياكي
قيمة الخطوة الرابعة : ٧ ريال الخطوة الخامسة
تختار مشروبك المفضل من المشروبات الغازية و تكلفك ٥ ريال
بس أنا ما اخترت شيء بكذا صار إجمالي الوجبة اللي أنا أخدتها ٣٦ ريال الوجبة مشبعة وكافية لشخص واحد وكطعم بالنسبة لي ناسبتني جداً وصوص الترياكي كان موزون في الأكل ومطبوخ بطريقة رائعة و أخذ تجهيز الطلب ١٢ دقيقة بالضبط العيب الوحيد في المكان هو في توفر المواقع
والمطعم يخدم العائلات و الأفراد وعندهم بارتشن حسب الطلب
وكمان عندهم توصيل حسابهم في التاق
نشوفكم في تقرير قادم

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *