تذكر شعار حسابنا !! تقييم اليوم وصلنا من الكنق wes w

تذكر شعار حسابنا !! تقييم اليوم وصلنا من الكنق wes w

 

تذكر شعار حسابنا !! تقييم اليوم وصلنا من الكنق wes w t
سيريه العمدة
الموقع / حي الزهرة – شارع حلمي كتبي المتفرع من شارع الأمير سلطان المتجه جنوب , بعد روائع المكتبات
سلام يا ممتتاااااااااااااااع زي ما انتوا شايفين محلات السيريه بدأت تطلع بشكل سريع في شمال جدة زي محلات البرجر , و صار كل محل له بشكة طيبة يحبوه و يعشقوه , و لا أحكيك عن القدامى اللي في الكرنتينه أو غليل زي أقاشي و المعلم حارس كنا نضرب المشوار عشان نحوس السيريه حوس مع عصير جي بارد و لا أروع
لكن مع الزحمة اللي شايفينها كل يوم صار الواحد يكره حتى يروح البقالة اللي جنب بيته و بطلنا نروح هناك لكن حبنا للسيريه كل ماله يزيد , طيب ايش الحل ؟ الحل عند العمدة :- أعطينا يا معلم نفر سيريه لحم عشان ندوقو و نجربو – 17 ريال – 95/10 – من الآخر سيريه متاع و إبداع طراوة و قرمشة , الخلطة المدهونة عالسيريه شي رهيب في الطعم و الكمية مليااااانة , يعني نفر مع عيش حب و صامولي و بصل و ليمون و صوص الطحينة مع الفول السوداني و الشطة التكروني ( البودرة ) و علبة لبن زبادي و بيبسي بارد , كذا إنت احتمال ما تفطر و تتغدا اليوم التاني
عمدة السيريه في جدة دا المحل بصراحة , خلاني أنسى أقاشي و المعلم حارس و أبو ياسر , عنده كمان نفر ونص للجيعان مره ب 25 ريال و عنده سيريه دجاج و سيريه مدفون , المحل كلو شباب و صغير و مافي عوايل و المواقف انت وحظك ، طبعا السعر يعتبر مفجع و مرتفع مقارنة بالمحلات اللي في الجنوب ، لكن الوضع العقاري الحالي يعتبر غالي و خاصة في الشمال بالتالي لازم بضاعته تنباع بسعر اعلى من امثاله عشان الارباح روحوا بن داود اللي عند الحرم و شوفوا كيف الاسعار نار
كل ما سبق كان رأي شخصي يمثلني لا يمثلكم ، و لكم الحرية في ابداء الرأي داخل اطار الاداب العامة
حياكم الله في حسابي للطبخ تابعوني
dhom bagies2015
dhom bagies2015

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *