تجربتنا اليوم لمطعم معروف في المحمدية متخصص في البرجر واللحوم المدخنة،

تجربتنا اليوم لمطعم معروف في المحمدية متخصص في البرجر واللحوم المدخنة،

 

تجربتنا اليوم لمطعم معروف في المحمدية
متخصص في البرجر واللحوم المدخنة، وعندهم كمان ساندوتشات دجاج
شيفز chefs sa
يمكن اكثر شخص شهر المطعم هوا سحس hussainsallam
للامانة اليوم اول مرة اجربه وتجربتنا اكيد من البيت
طلباتنا كانت ذا ريل تشيز برجر في عيش بريوش، ذا دانجرس تشيكن، وسموكي بوكس
وطبعا ما ننسى بيبسي
ريل تشيز برجر عبارة عن طبقتين لحم مع جبنة وصوص خاص، المفروض تجي في عيش لوف انا غيرته ل بريوش، العيش البريوش رهيب، وطعم اللحم مع الصوص جدا لذيذ، وتستمتع وانت بتاكله من غير اي اضافات اخرى
دانجرس تشيكن هوا برجر دجاج مقلي مع بيكون وتشيتوس وصوص بافلو، الطعم بشكل عام جيد، البافلو مو مرة حار، البيكون فنان وعلى اصوله، بس التشيتوس كان شوية مجلد
سموكي بوكس يكون فيه نص ساندوتش من دجاج مدخن، برسكت، واضلاع، كلهم في عيش لوف، اللي هوا كأنه توست سميك طري ودسم، للامانة العيش مختلف وجيد، الدجاج المدخن طري ونكهته واضحة، البريسكت والريبز كلها لذيذة لكن في البيت طعمها شوية قريب من بعض، بس اتوقع في المطعم حتكون افضل كثير، باين فيهم نكهة التدخين على خفيف
البطاطس حقتهم جيدة وعليها بهارات بسيطة تعطيها نكهة
الواحد ياكل ساندوتش او واحد ونص
الجيعان يدعس
البرجر يجي مغلف بورق قصدير، والبوكس مقسّم ومرتب، وكل شي محطوط في كيس مقفل من المطعم للحماية
اسعار البرجر في حدود ال٤٠ريال، تزيد وتنقص حسب النوع، والبوكس سعره ٧٣ريال
الطلب كان عن طريق تطبيق لقمتي، عندهم توصيل مجاني الى ١١ اغسطس، توصيلهم في شنط حافظة للحرارة، والطلب وصل في اقل من ساعة وحرارته جيدة مع ان المحل بعيد عن بيتي
** شيفز برجر اسم له شهرته، وعلى غير المتوقع وصل البيت جدا لذيذ، توصيل لقمتي غني عن التعريف، اكيد ليا تجربة ثانية معاهم في انواع اخرى، ولو انتو حتطلبو اول مرة انصحكم تجربة نوعين العيش، انا حبيت البريوش اكثر من اللوف، جربو برجر اللحم، واطلبو بيكون
السؤال اللي الناس دايما تختلف في اجابته، مين في رايكم يعمل احسن برجر في جدة ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو لقمتي برجر
‏ jeddah restaurant delivery food hungry careem hungerstation toyou lugmety burger smoked

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *