تجربتنا المرة دي كانت لمطعم سوق السمك الطازج freshfishmarket مكانه في

تجربتنا المرة دي كانت لمطعم سوق السمك الطازج freshfishmarket مكانه في

 

تجربتنا المرة دي كانت لمطعم سوق السمك الطازج
freshfishmarket
مكانه في حي السلامة
يقدمو انواع سمك مختلفة وطواجن، الحلو انه كله فريش
لدرجة حتى الكلماري فريش، ومعناها مو دايما متوفر وللاسف ما جربناه
طلبنا كان الوجبة الاقتصادية، كيلو حريد ونص كيلو جمبري مقلي، تجي مع رز ابيض وصيادية وحمر وطحينة
كانو عاملين عرض طاجن فرنسي مجانا للاسف ما صورته
واخذت شوربة سي فود على جنب للتحربة
الاكل مطبوخ كويس، السمك مافيه اي زفر، انا عادة احب السمك لو كان مقرمش ومستوي اكثر من الطبيعي شوية
الجمبري حجمه كويس ولذيذ
الرز ممتاز، النكهة في الصيادية واضحة
والحمر اثقل منه مافي، للاسف محلات كثير تجيب الحمر كأنة موية، خفيف ومن غير طعم، اما دول عندهم حمر متعوب عليه
الجمبري الفرنسي اختراع فنان، تقريبا ١٠ او ١٢ حبة جمبري بحجم متوسط، صوص ثقيل ونكهة قوية، يستحق التجربة
الشوربة خفيفة ولازم تقولولهم يكثرو بهارات، فيها حبات جمبري كبيرة وكثير
الاكل يكفي شخصين الى ٣
الجيعان يدعس
التوصيل كان من المطعم نفسه
صحن مرتب من عندهم، مغلف بورق وفوقه قصدير عشان يحفظ الحرارة
والاكل وصل كويس، بسرعة، ولسه يعتبر دافي
انا عندي حب للناس اللي يرسلو صحون
الطلب كان عن طريق الواتساب على رقم المحل، اتواصلو معاهم يرسلولكم
العروض والمنيو
حطيت صورة المنيو، مع العلم ان بعض الاسعار ارتفعت بسبب الضريبة
** لو مشتهيين سمك وجمبري وعددكم كبير، الصحون حقتهم تجمّل قدام الناس، والطعم لذيذ، الطلب من نفس المطعم عالواتساب او تطبيق تويو
ايش في مطعم سمك ينفع للاعداد الكبيرة ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو وصل
jeddah restaurant delivery food hungry careem careemnow hungerstation toyou wssel

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *